IHhovisi Lokufundisa Nokufunda Belihlele Imbizo Yokufundisa Yonyaka Yokuqala Ukuphucula Ukufunda

BY: .

Click here for English version

IHhovisi Lokufundisa Nokufunda laseNyuvesi yaKwaZulu-Natali (UKZN) belenze imbizo yalo yonyaka yokuqala yokucija ngokufunda e- Coastlands Umhlanga Hotel and Convention Centre.

Kulolu hlelo inkulumo yokwendlalela yethulwe yiDini Yokufundisa noKufunda eKolishi LezobuNtu uSolwazi Ruth Hoskins, ohlelweni kwabalulwa ukubaluleka kokusungula uhlaka lokweluleka olusabalele inyuvesi yonke olunabantu abantu abamqoka ohambweni lwabafundi e-UKZN.

Ikhuluma ngempumelelo yabafundi, iMenenja Yokweseka Abafundi eKolishi LeSayensi YezeMpilo uDkt Saloschni Pillay ithe kubalulekile ukubona ukuthi ziningi izizathu eziholela empumelelweni yabafundi, okubalwa kuzona izinto ezingaphandle kokufunda. Inkulumo kaPillay ibalule ukuthi impumelelo yabafundi incike ekuhlaziyeni isimo senhlalo nokubona izinto nezimo ezihlukene abafundi ababhekana nazo.

Kulolu hlelo bekunengxoxo yezikhulumi enabantu ababambe iqhaza ohlelweni i-Academic Advising Professional Development (AAPD), olugxile ekutheni isitifiketi se-AAPD siyiphucule kanjani indlela abaluleka ngayo uma befundisa. Izikhulumi zicobelelane ngokuthi lolu hlelo lukwakhe kanjani ukutholana nabafundi nokubasiza ukuthi bakwazi ukuthola into abayithandayo. Ngaphezu kwalokho, uMnuz Ashwin Manival, ukhulume ngezifundo i-UKZN ezihlanganisayo ezizohlomisa abasebenzi abafundisayo.

Ukuzwa izwi labafundi ezingxoxweni ezibafakayo kuthiwe ngenye yezinto ezimqoka ekuphuculeni impilo yabafundi. Ukuhambisana nalokho, kulo mcimbi bekukhona izikhulumi ezingabafundi obuhlose ukukhombisa imibono yabafundi ngokwelulekwa kuwona womane amaKolishi aseNyuvesi. Lesi sigabha sikhombise isikhala esikhona ezindleleni ezikhona, savula ithuba lokubhunga ngezindlela zokwenza izinto eziseqophelweni eliphezulu.

Ngaphezu kwalokho, ngalolu suku bekukhona nesigaba esibheke indlela yokwenza izinto ngeso labafundi uma kwelulekwa abafundi. Ingcweti yezinhlelo zokufundisa eHhovisi Lokufundisa noKufunda uDkt Zwelisha Mfishi, ukhulume ngokuthi ukuphucula ukweluleka ngemfundo kudinga ukuthi kubhekwe izimpilo zabafundi. Wengeze ngokuthi yilolo lwazi olukhomba ukuthi ukweluleka ngemfundo kufanele kubhekwe ngalelo so.

UMqondisi Wophiko Lokufundisa noKufunda eKolishi Lezifundo Zomthetho neZokuphatha uSolwazi Annah Bengesai ukhulume ngezindlela zokuyalela abantu ukuze bathole usizo nokubaluleka kokuthembana. Kulo mcimbi bekhona bekukhona nengxenye edinga ukuthi abantu ababambe iqhaza benze amathimba nokuthi babhekane nezimo ezihlukene ukuze babhekene nezindlela ezinhle zokululeka abafundi ngokwezimo ezihlukene ababhekene nazo.

Le mbizo ibiyithuba elihle lokuthi abantu bacabange, badingide futhi bafunde ibe igcizelela ukuzibophezela kwe-UKZN ukubeka impumelelo nempilo yabafundi eqhulwini ezindleleni zokufundisa nokufunda.

Amagama: wuSinenhlanhla Mkhwanazi

Isithombe: wu-Albert Hirasen