Abafundi Emqhudelwaneni Womdlalo Wethelevishini Waphesheya

BY: .

Click here for the English version

Umndeni wakwaNtuli, onabafundi base-UKZN nabafundi ababefunda khona kudala, ububambe iqhaza kwi-Family Feud South Africa, intandokazi yomdlalo wethelevishini oshayelwa ngu-Steve Harvey.

Lomdlalo unemindeni emibili eqhudelanayo ngezimpendulo zenhlolovo ukuze kuphume ozowina imali nemiklomelo.

U-Harvey uthe: ‘Ukuletha i-Family Feud e-Afrika kade kwaba yiphupho lami. Ngikholwa wukuthi loluhlelo luzoshisa izikhotha kulelizwe. Kanti yisiqalo lesi e-Afrika. Ngilindele ukuthi loluhlelo luzale eminye imisebenzi eminingi kwezokuxhumana nakwezamabhizinisi ezwekazini lonke.’

AbakwaNtuli ngoKuhlekonke (owenza iMasiazi KwezeZindlu), uThembalethu (KwezeNgqondo), uLungelo (owenza i-Onazi kwi-Social Sciences), uLungile (owenza i-Onazi Ezifundweni Ngabantu) no-Minnie (owenza i-Bachelor of Arts).

AbakwaNtuli bangabalandeli baloluhlelo kanti bake balwenza ekhaya labo e-New Germany. ‘Lomdlalo omnandi odlalwa wumndeni wasingena, sathokozela ukukwazi kwawo ukuveza izinhlangothi zethu ezingafani. Safisa sengathi sasingaba sohlelweni, sinqobe umdlalo, sikhale semuke nemali. Ngenkathi ithuba liziveza, saligxumela,’ kusho uKuhlekonke.

‘Uma umhlaba ufisa ukwazi ngeNingizimu Afrika, kudingeka ukuthi wazi ukuthi thina siyintsha, sihamba phambili, sibumba umhlaba esiwufisayo. Sikholwa wukuthi uma intsha yabantu besifazane emnyama ivama ukuzibona kuthelevishini, izosheshe ibone ukuthi akukho okuyivimba ukuba seshashalazini lomhlaba wonke, kungaba kwezemfundo ephakeme, ezokungcebeleka noma ezentuthuko,’ kusho uKuhlekonke.

Amagama: nguMelissa Mungroo

Isithombe: Sithunyelwe