Owase-UKZN Ovelele Uzoba NguMengameli we-Golden Key International Honour Society Chapter

BY: .

Click here for English version

Umfundi owenza unyaka wesithathu ezifundweni zobudokotela e-UKZN uMnu Hoosen Sulema uqokwe yi-Golden Key International Honour Society ukuthi abenguMengameli we-UKZN Medical School Chapter.

Intshisekelo, impokophelo nokubekezela kuka-Suleman ezifundweni nasekusebenzeleni umphakathi kumenze wathola lelithuba lokuba ngumholi.

Inhloso yale society ngukwenza amalungu ayo ukuthi azi izinto akwazi ukuzenza ngokudlondlobala kwezemfundo, ezobuholi nokusebenzela umphakathi ibhaliswe eZikhungweni Zemfundo Ephakeme ezingama-530 emhlabeni jikelele. I-UKZN Medical School Chapter ingenye yama-chapter ali-15 akhona eNingizimu Afrika.

I-Golden Key ihlale iphokophele emfundweni, ukudlondlobala emsebenzini, ubuholi nokusebenzela umphakathi kwamalungu ayo. U-Suleman uhlonishwe ngenxa yamangwevu akhe kwezemfundo namagalelo akhe obuholi. Waphumelela izifundo zezokuthakwa kwemithi ngamalengiso i-summa cum laude kanti ngemva kwaloko useke wathola uxhaxha lwezindondo nemiklomelo.

Iqhaza lika-Suleman lokuba nguMengameli wukudidiyela, ukuhlela nokulandelela imikhankaso yamalungu ngokwezinjongo ze-Society. Uzosebenzisana neSigungu Esikhulu, amalungu nabafundi bakudala ukudingida amasu nezinhlelo ezizoqinisekisa ukuthi umphakathi uyafukuleka.

U-Suleman uhlose ukuqhakambisa imigomo ye-Society yobuqotho, ukusungula izinto ezintsha, inhlonipho, ukubekezelelana, ubungoti nokusebenzisana. Uzinikele ekuphileni imigomo yeNyuvesi neye-Society.

‘Ngithakasile ngokukhethwa ukuthi ngibe nguMengameli walenhlangano ehlonipheke kangaka. Sinethimba lami sizoqhubeka ukusebenzisana nama-chapter amanye amanyuvesi ukuphosa esivivaneni ukuqhuba umsebenzi wokusimamisa injongo ye-Society. Ngihlose ukufeza noma mhlawumbe ngidlule izinhloso ze-Society ngenkathi ngisesikhundleni sami sokuba nguMengameli. Ngiwubheke ngamehlo abomvu lonyaka wokubambisana nokukhula njengomuntu nangokwezemfundo,’ kusho u-Suleman.

UmQondisi WesiFundaza we-Golden Key Southern Africa uDkt Elmie Castleman uthe: ‘Ukuba yilungu le-Golden Key nokuba ngumholi kukwenza wazi indlela obuka izinto ngayo, kugcwalise umbono wakho, kucacise impumelelo yakho futhi kukwenze ukuthi uthathe amatomu. Ngaphezu kwakho konke, phila ngokulandela nokuhlonipha imigomo yakho.’

Phakathi kwamalungu angena ngokumenywa nabaholi be-Golden Key International Honour Society kukhona uMnu Ahmed Kathrada, u-Archbishop Emeritus Desmond Tutu, uSolwazi Ahmed Bawa, uDkt Lis Lange noDkt Max Price.

Amagama: yiNdabaOnline

Isithombe: Sithunyelwe