Ubusuku Bokuvula IJOMBA! Contemporary Dance Experience

BY: .

Click here for English version

Ifestiveli yomdanso odumile eNingizimu Afrika iJOMBA! Contemporary Dance Experience igubhe unyaka walo wama-23 ngemidanso enkundleni yokuxhumana ngobuchwepheshe besimanje ngobusuku bokuvula. Lefestiveli ihlelwa yi-Centre for Creative Arts (i-CCA) ngaphansi kweKolishi lezesiNtu.

Ethula inkulumo yokwemukela izethameli, uMqondisi we-CCA uDkt Ismail Mahomed uthe: ‘Lefestiveli iyaqhubeka nokunika amaciko inkundla yokufeza amalungelo awo omthethosisekelo okuzikhulumela nenkululeko yobuciko ngengosi yokuxhumana ngobuchwepheshe, iphinde ivumele amaciko, ngokubamba iqhaza kulefestiveli, ukuthi ahole imali.’

UMqondisi weFestiveli nomfundisi Wezifundo Zeshashalazi uDkt Lliane Loots uthe: ‘NgeJOMBA yanonyaka, senze okungejwayelekile, sathatha umqondo wokweqa imingcele i-Border Crossings ukubheka isikhathi samanje. Uma ubheka isimo emhlabeni, e-Afrika naseNingizimu Afrika sezinto ezenzeka emphakathini, kwezempilo nasemasikweni ngenxa yemingcele eyabekwa, yasuswa, yaphinde yabekwa - kwenye inkathi ngendluzula - yaphinde yakhiwa kabusha, thina e-Centre for Creative Arts naseJOMBA! siyaqhubeka ukusebenzisa lenkundla yalefestiveli ukuhlonipha amaciko aseNingizimu Afrika nawase-Afrika nabalingani bethu bomhlaba jikelele - nabo ngezindlela zabo ezihlukene - ukuqhubeka nokucaba izindlela ezifinyelela, zihlangane nemingcele ngokwendawo, okobulili, okwempilo nokobuciko.’

Ubusuku bokuvula beJOMBA! Legacy bebugabe nge-Undertow yeciko elivelele uSolwazi Jay Pather yemisebenzi ekhethiwe yakhe yaseSiwela Sonke Dance Theatre phakathi konyaka we-1998 nowezi-2018. Yifilimu edidiyele ngobuchule ka-Pather enjenge-Qaphela Caesar, rite, Body of Evidence ne-Hotel yeSiwela Sonke Dance Theatre.

Lemidlalo ekhethiweyo, yonke eqale yadlalwa bukhoma, ihlanganiswe ngobuciko, ngokuka-Pather ‘yaba yisimo esidlangile sokhonya kwamadoda emphakathini’. U-Pather neSiwela Sonke Dance Theatre batshela ababusi kwezikabhoqo ngeshashalazi. Inhloso yakhe ‘wukulandela lomzila wokuzama ukususa imingcele, lapho umbuso uhlulekile khona, lapho imuva nemanje kuveza umzimba obuhlungu.’

IJOMBA! 2021 izoqhubeka kuze kube ngeSonto (mhla zi-5 kuMandulo) kanti ingabukwa mahhala ku: www.jomba.ukzn.ac.za noma ngokungena ube yilungu leJOMBA YouTube channel lapha.

Zonke izingosi ngowezi-2021 zimahhala kanti uhlelo oluphelele luyatholakala kwiwebhusayithi.

Amagama: ngu-Melissa Mungroo

Izithombe: Zithunyelwe