Umdansi Oyisivakashi eSikoleni SezobuCiko

BY: .

Click here for English version

ISikole SezobuCiko, ngokubambisana ne-Artist in Residence, okunguhlelo lwe-Mellon Foundation, samukele umdansi nomhleli wemidanso waseKapa uMnuz Yaseen Manuel, ozohlala izinyanga ezintathu e-Centre for Creative Arts emdlalweni ozokwethulwa kwi-23^rd JOMBA! Contemporary Dance Festival ne-Drama and Performance Studies Programme.

Ngalesisikhathi u-Manuel uzokhiqiza amafilimu amabili omdanso azokhonjiswa okokuqala kwi-JOMBA! ezokhonjiswa okwesibili ngobuchwepheshe bezokuxhumana ngasekupheleni kwalenyanga. Uzobambisana ne-FLATFOOT DANCE COMPANY yaseThekwini enkundleni yezokuxhumana belu. Kulezizinyanga ezintathu uzoba nezigcawu zokucija namasemina kuZoom nabafundi bomdanso base-UKZN.

Umlando ka-Manuel eKapa nokujula kokholo lwakhe lobuSulumane kuyazicacela emsebenzini wakhe. Wazakhela igama ngonyaka wezi-2016/17 ngokwenza imidanso ngayedwana enendikimba ehlanganisa ubuhlanga, inkolo nemibono ngobudoda. Lemidanso ibingezindaba nangesimo sabantu abanganakiwe eNingizimu Afrika. Umsebenzi wakhe omusha ngowezi-2019, obizwa nge-ASLAMA, waveza ngendlela eyethusayo, kodwa enhle, ukubulawa kwabantu e-Syria nodweshu lwangaphakathi kumuntu!

Ungumdansi nothisha onekhono kanti nakuba esebenza njengeciko elizimele uyilungu le-UNMUTE DANCE COMPANY.

UDkt u-Lliane Loots wase-UKZN nongumqondisi wezobuciko nomdidiyeli weJOMBA! uthe ‘kuyintokozo, ngalesi sikhathi esinzima kangaka endimeni yomdanso, ukwemukela elinye lamaciko anamava omdanso eNingizimu Afrika nelinemidanso exoxa izindaba ezingaxoxwa nezingavamile ukuvezwa ezweni.’

Amafilimu omdanso ka-Manuel azokhonjiswa kwiJOMBA! kusukela mhla zingama-24 kuNcwaba kuya mhla zi-5 kuMandulo. Ukubuka lamafilimu ezinkundleni zokuxhumana ngobuchwepheshe kumahhala!

Amagama: ngu-Melissa Mungroo

Isithombe: wu-Val Adamson