I-Centre for Creative Arts Ihlela i-Cabaret and Beyond Festival

BY: .

Click here for English version

I-Centre for Creative Arts (i-CCA) yaseKolishi lezesiNtu ikhethe ithimba lababhali nabaqambi kwi-Cabaret and Beyond Festival (i-CAB) yokuqala ehlose ukuthuthukisa imisebenzi emisha nomculo weshashalazi.

I-CAB Festival ididiyelwe ngu-Roland Perold, oneMastazi ekubhaleni umculo nobhale umculo weshashalazi kanti kujutshwe ithimba lababhali ukuthi baqambe izingoma ezizodlalwa eThekwini kusetshenziswa ithimba elincane labadlali beshashalazi nethimba lamaciko.

Izingoma ezithembisayo zizoxhaswa ukuze zithi ukuba zinde.

Le festiveli uhlose ukuvala igebe ekubhaleni izingoma ezintsha zeshashalazi.

Bali-12 abazobamba iqhaza abavela eNingizimu Afrika yonke abazobhala ngamunye. BangoTsitsi Sachikonye ofundisa ulimi, umcwaningi wezincwadi, umqambi, umbhali wezingoma, umculi nesifundiswa sezobuciko; umdidiyeli womculo, u-Luca Hart; umqambi wezingoma zeshashalazi, u-Roné Roux; umlingisi ovelele, uTankiso Mamabolo; umfundi ophase ngamalengiso kwezokulingisa (cum laude) uMthokozisi Zulu; umqondisi womculo, umqambi nomlingisi, u-Rexleigh Bunyard; umqondisi, umculi nomlingisi, u-Zeph Nzama; umlingisi nomqambi, u-Trudy Rozani; umlingisi ovelele, umqondisi, umbhali nomqambi, u-Godfrey Johnson; umqambi womculo, u-Dani Petersen; umlingisi nomsiki ovelele, u-Marcel Meyer; nomshayisiginci, umculi, nomqambi-ngoma, u-Chad Cochrane.

‘Bengingalindele ukuthi kanti lento izothandwa kanjena, okusenze sakwazi ukuhlanganisa abantu abazoqamba izingoma zeshashalazi beziqambela uMfumfu,’ kusho u-Perold.

Uthe iNingizimu Afrika inomlando onothile womculo weshashalazi, onezinhlobo ezehlukene. Kuyintokozo enkulu kwi-CCA ukuthi yengeze lefestiveli kwamanye ayimpumelelo lapho abantu abanethalente bezoba kwifestiveli yokuqala.

‘Lapho kukhona izinhlobo ezehlukene zababhali, abanye abavuthiwe bedidiyelwe nabasafufusa abanethalente,’ kusho yena.

Kulefestiveli kuzoba khona ababhali ababili okungumqondisi womculo weshashalazi u-Wessel Odendaal nomdidiyeli u-Marcel Meyer nethimba labathathu okungabalingisi namaciko u-Dionne ‘Song’ Malan, uZolani Shangase noMthokozisi Khanyile, okumanje udlala indawo kaMufasa kwi-Lion King.

Amagama: nguSinoyolo Mahlasela

Isithombe: Sithunyelwe