Umbukiso Ngokuhlukunyezwa Kwabesifazane e-Durban City Hall

BY: .

Click here for English version

Umkhankaso obizwa ngokuthi They Stand Their Ground Against Gender-Based Violence (i-GBV) uholele ekutheni kube nombukiso e-Durban City Hall, oxhaswe yi-National Arts Council.

I-Centre for Communication, Media and Society (i-CCMS) yase-UKZN yaseSikoleni seziFundo ngeNhlalosintu elandelwayo, ibambisane ne-Art: A Resource for Reconciliation Over the World, South Africa (i-ARROWSA) ukuhlela lomkhankaso nalombukiso.

Lombukiso, ogqugquzela ukuthi abahlukunyezwa ngokobulili bazivikele, unabakhangisi ababili ababizwa ngoDeli noThanaka, abenziwe ngezinto ebezilahliwe zasezivuswa. Lababakhangisi benziwe yintsha yase-ARROWSA Bechet ngamabhena enziwa yi-South Roots International and Maggi Squire of Indra Congress.

Lomsebenzi ubunentsha yaseNingizimu Afrika, eNdiya nase-United Kingdom elwa ne-GBV, ibambisene nabantu besifazane abancane abanjengoNks Ayanda Ngcobo wase-Durban Local History Museum nomfundi weMastazi wase-CCMS uNks Luyanda Makoba-Hadebe.

Ngenxa yeNyanga yokuZiqhenya kwenziwe uThanaka ukuthi amele abathandana nabanobulili obufana nobabo, phecelezi lesbian, gay, bisexual, transgender and queer (ama-LGBTQ+).

Umboniso wenza izethameli zibe neqhaza njengoba izivakashi zikwazi ukunamathisela amazwi okuzwelana noDeli (omele indawo eyikhaya) noThanaka. Okunye wukuthi umboniso uqondane neNyanga yeNtsha, okukhuthazwa intsha ngayo iqhamuke nezindlela ezinobuciko nezintsha zokuphucula amakhono ayo, zikwazi ukubeka imibono yazo, izinkolelo zayo, imibono yayo nobuholi.

Umfundisi ovakashile e-CCMS nonguMqondisi we-ARROWSA uDkt Mary Lange uthe: ‘Lomsebenzi udlondlobale ngaphezu kwalokho ebesikucabanga, waqala eminye efana nayo emhlabeni wonke nabalingani bethu. Sixoxa nomunye wabalingani bethu e-UK i-Touchstones Rochdale ngomfuziselo onjengalona e-UK ngasekupheleni konyaka. Sikholwa ngukuthi kufanele sibambisane singumphakathi ukunciphisa izibalo zansuku zonke zabantu abahlukunyezwa ngokobulili. Yindawo yomphakathi lena kanti lomphakathi awukhethe siko namngcele.’

UNks Mohau Qalaza wase-Durban Local History Museum uthe: ‘Okungichaze kakhulu ngalomkhankaso wukufakwa kwentsha ebumbe ngokuzinikela yenza ukuthi uThanaka noDeli babebahle ngendlela abayiyona. Umyalezo wayo wokulwa ne-GBV nokweseka ama-LGBTQ+ usobala futhi unamandla kanti kuhle ukuzwa imibono yabo ngezigameko ezingezinhle zokulwa nabantu.’

Umdidiyeli wase-ARROWSA Bechet uMnu Bheki Dlamini uphawule wathi: ‘Abafana namadoda nabo bayahlukunyezwa kanti lesi yisihloko imiphakathi engasithinti noma engakhulumi ngaso kakhulu. Ngicabanga ukuthi kwenziwa ngukuthi umphakathi ukholwa wukuthi amadoda kufanele abenamandla; amadoda awakhali. Ngakho-ke besifisa ukuveza ukuthi kuma-LGBTQ+ kunamadoda ahlukunyezwa ngalendlela. Bekumqoka ukuvuma ukuthi siyanibona, sizwelana nani futhi siyaneseka.’

UNks Casey Spinner wase-ARROWSA Bechet uthe: ‘Njengoba ngiwubona lapha e-City Hall kunzima ukuthi ngingamemezi! Kumnandi kakhulu ukubona umsebenzi wethu uphumelela nokuthi ubekwe endaweni enkulu kanjena kanti ngiyajabula ukuthi siyithathile lenselelo.

Amagama: ngu-Melissa Mungroo

Isithombe: ngu-FJ Lange