Umqulu osandukwethulwa waseUKZN.I-UKZN Ikhiphe Umqulu Ochaza Ngobuyona
Click here for English version
Umqulu wokuthi iNyuvesi ingubani, ngesingisi i-Corporate Identity, owethulwe wuphiko Lwezobudlelwano Besikhungo ingumqulu oyisisekelo sokuqinisekisa ukuthi igama leNyuvesi livezwa ngendlela efanayo negqamile ngaso sonke isikhathi.
Ekhuluma ekwethulweni komqulu, oyisisekelo sezokuxhumana nezokukhangisa nge-UKZN, Umqondisi Omkhulu Obambile Kwezobudlelwano Besikhungo, uNks Normah Zondo uthe umsebenzi wophiko lwakhe wukuhola nokuthuthukisa igama leNyuvesi.
UZondo uchaze umqulu ‘njengendidiyela yezinto ezivumelanayo ukwenza zonke izinhlaka zesikhungo ukuthi zixhumane ngezwi elifanayo.’
I-Graphic Designer Enkulu, umufi uMnu Neville Moodaliar wabalula izinto ezintathu ezimqoka ngomqulu wokuthi iNyuvesi ingubani, okuyigama layo, izinto ezihambisana negama nophawu lweNyuvesi.
U-Moodaliar, ebheka izindlela ezihlukene zokusetshenziswa kophawu lwase-UKZN, uthe indlela efanele eyesithombe esinophawu ebanzi, kuthi isithombe eside sidinge imvume yoPhiko Lwezobudlelwano Besikhungo ngaphambi kokushicilela. Uthe yisithombe esinombala esivumelekile kuthi esinombala omhlophe silunge uma kumnyama ngemva kwesithombe.
Echaza okuvumelekile nokungavumelikile ngokusetshenziswa kophawu, u-Moodaliar unxuse abantu baseNyuvesi ukuthi ‘bashiye isikhala esimhlophe esilingene emaceleni ophawu’.
Ugcizelele isiqubulo sase-UKZN esithi Sigqugquzela Ubunyoninco ngesingisi- Inspiring Greatness, waveza izibonelo ‘zokuthi kufanele sivezwe kanjani ematheni onyawo anoma yimuphi umdwebo endaweni ebomvu’. Ukhuthaze abantu baseNyuvesi ukuthi ‘bazi ngamafonti ukuze bezoqinisekisa ukuthi igama leNyuvesi lihlale libukeka ngendlela efanayo’. Uthe amafonti avumelekile yi-Century Bold esiqubulweni, ne-Myriad Pro njengefonti esemthethweni bese kuthi kwenye inkathi kube wu-Arial.
Udingide ukusebenza kophawu nezimpawu zamaKolishi neZikhungo, wagcizelela ubumqoka bombala ohlukanisayo (omnyama ngama-30%) uma kusebenza izimpawu ezimbili. U-Moodaliar uthe akufanele izimpawu zamaKolishi zisetshenziswe nolwaseNyuvesi.
Ubheke umehluko phakathi kwemibala yasemaKolishi neyesikhungo (athe ikhona ophawini lweNyuvesi), wanxusa abantu ukuthi bangazenzeli izimpawu zabo.
Esephetha, u-Moodaliar uthe: ‘Kudingeka sibambisane ngokuphatha igama lethu nendlela esibukwa ngayo ngaphakathi nangaphandle kwe-UKZN, ukwakha umlando ojwayelekile ngesiqubulo seNyuvesi esithi Sigqugquzela Ubunyoninco ngesingisi- Inspiring Greatness.’
UZondo ephawula ngokusetshenziswa okungekho emthethweni kophawu lweNyuvesi uthe ‘abasebenzi nabafundi abavumelekile ukusebenzisa uphawu lweNyuvesi kuma-akhawunti abo ezinkundla zokuxhumana,’ wengeza ngokuthi imibala yenyuvesi akuvumelekile ukuthi isetshenziswe ezinkundleni zangaphandle ngaphandle kwemvume.
Umqondisi Obambile Kwezobudlelwano neNyuvesi uXoliswa Zulu ubonge bonke akade bekhona kulomcimbi, wanxusa abasebenzi base-UKZN ukuthi bagxile emiyalelweni ebhalwe emqulwini wegama leNyuvesi, bathinte Uphiko Lwezobudlelwano Besikhungo uma bedinga ukucaciselwa noma uma benemibuzo, bathumele ku: Corporaterelations@ukzn.ac.za
UMnu Neville Moodaliar ubengumuntu omangalisayo onentshisekelo yomsebenzi wakhe. Uyohlale ekhunjulwa ngokungahambisani nokungasetshenziswa ngendlela efanele kophawu lweNyuvesi.
Amagama: nguHlengiwe Khwela
Isithombe: Sithunyelwe