Umfundisi we- Jazz , uMnu Sibusiso Mashiloane ukhiphe i-albhamu entsha. Umfundisi We- Jazz Wethula I-Albhamu Yesihlanu
Click here for English version
Umfundisi we-Jazz uMnu Sibusiso Mashiloane ukhiphe i-albhamu yesihlanu enesihloko esithi iHubo Labomdabu, isethi yopiyano lomculo oqoshwe ngesikhathi somvalelwandlini.
‘Le albhamu isuka ezintweni ezenzeke empilweni yami, isimo sezombusazwe nempilo ebesiphiliswa yona,’ kusho uMashiloane. ‘Lo mculo uxoxa ngezinto ezenzeka emphakathini, uhumushe impilo yansuku zonke ngendlela eshintshe ngayo. Ngiyethemba ukuthi i-albhamu yami yenza abantu bazihlole, iletha ukuthula noxolo.’
Le albhamu enezingoma ezili-11 iqala ngonyawo olusheshayo kodwa iyashintsha ngokuqhubeka ithathe umlaleli imbeke komunye umhlaba. Le albhamu edle ngopiyano ijulile njengomthandazo okunika umlaleli ithuba lokuthi azetshisele yona ngendlela athanda ngayo.
UMashiloane , owaziwayo kweze-jazz eNingizimu Afrika nasemhlabeni, unama-albhamu amane; wonke athakaselwa. Udle imihlanganiso ehlukene, waqokwa emicimbini emikhulu enjengamaSAMA, AFRIMA nama-International Urban Music Awards.
Kumanje wenza izifundo zobudokotela emculweni, ahlose ngazo ukubuka izinto ngeso le-jazz yaseNingizimu Afrika, lapho ezithola khona njalo ebuyela esihlokweni esiyikhaya.
Umculo wakho ujulile, uncike emlandweni wendabuko nezolwazi ezingazami ukuqeda inhlese yaseNtshonalanga endleleni esizibuka ngayo ngamunye noma sihlangene ebudlelwaneni bethu nomculo.
‘Ngineso eligcwele ukufisa ekufundiseni ngobumqoka bomsebenzi wethu singabantu base-Afrika futhi ngihlose ukuthi ngibe ngomunye ogqugquzela isizukulwane esisha sabaculi, abaqoqa umlando womculo nezethameli zomculo odlalwa bukhoma abaziqhayisa ngegugu lesiNtu,’ kusho uMashiloane.
iHubo Labomdabu liyatholakala kuzona zone izinkundla zokuxhumana ngobuchwepheshe besimanje kanti akhona amakhophi ambalwa atholakala ku: info@isupportdoyou.com
Amagama: ngu-Melissa Mungroo
Isithombe: ngu-Simanga Zondo