I-InQubate yase-UKZN Ihlinzeka Ngokuqeqeshela Imiqhudelwano YamaNyuvesi Ehlukene

BY: .

Click here for English version

I-Entrepreneurship Development in Higher Education (i-EDHE) izoba nomcimbi kazwelonke wesibili i-Entrepreneurship Intervarsity Competition wangowezi-2020. Lolu hlelo oluxhaswe yi-University Capacity Development Programme yoMnyango wezeMfundo ePhakeme yesekwa yi-Universities South Africa nabalingani bayo ihlose ukuthola abafundi abangosomabhizinisi abavelele ezweni emanyuvesi kahulumeni, ibanike ithuba lokukhangisa ngamakhono abo. 

Ukweseka osomabhizinisi abangabafundi, i-InQubate yase-UKZN ibe nomhlangano wokuqeqesha abangenele lo mqhudelwano.

IMenenja ye-InQubate Student Entrepreneurship, uMnu Khutso Ramontja, ithe: ‘Kulo nyaka sinenjongo eyodwa kanti leyo njongo ukuthi siphakamise igama lethu siyi-UKZN kulo mqhudelwano.’

Oqeqeshelwa umsebenzi kwi-InQubate, uNksz uLilly Njila, uthe abafundi bangangenela umqhudelwano eminxeni ehlukene okuyi-Business Ideas, i-Technology, i-Social Impact ne-General, kuthi eyokugcina emithathu iqondane neyamabhizinisi avele ekhona. Lo mncintiswano unemijikelezo emithathu okungowaphakathi – lapho abafundi ase-UKZN zbeqhudelana bodwa – owesifunda onawo wonke amanyuvesi nowamanqamu oyoba sePitoli.

UMengameli we-Enactus, uMnu Muhle Ndwalane, ugxile emaqhingeni amqoka okufanela osomabhizinisi bawalandele ukuze babone amathuba, okungukulalela labo abangaba ngamakhasimende, ukuqonda izinto ezenzeka embonini nokubheka izimbangi. Ukhuthaze abaqhudelanayo ukuthi benzisise ucwaningo ukuze babone ukuthi umqondo wabo webhizinisi ungaphumelela, wabakhuthaza ukuthi bathathe izinkinga ezikhona njengethuba lebhizinisi. ‘Ungathandi isixazululo kodwa yiba nevuso lokuxazulula inkinga,’ kusho yena.

Iqhaza loqeqeshelwa umsebenzi kwi-InQubate, uNksz Samukelisiwe Kunene, ugxile ekuphumeleleni kwebhizinisi ngokomnotho, okuhlanganisa isimo sezindleko nemigudu yokungena kwemali. Ukhombise abafundi ukuthi izincwadi zezimali ezingenayo neziphumayo zenziwa kanjani, okuyinto ezoxazululwa yibhizinisi, ukuthi bangaki abantu abazoba naleyo nkinga, ukuthi bazimisele yini ukukukhokhela ukuxazulula leyo nkinga nokuthi bazimisele ukukukhokhela malini ngako.

UMqondisi wezobuCiko eSika Creative Agency, uNksz Liat Madinane, ugqugquzele abafundi ukuthi bangobani nokuthi benza liphi ibhizinisi ukuze bakwazi ukuzikhangisa ngendlela efanele. ‘Ukuba usomabhizinisi kusho ukuqala kodwa kufanele uhluze ingqondo ezintweni ezenzeka ebhizinisini nalapho libheke khona. Njengosomabhizinisi uyingxenye yephesenti kanti lelo phesenti alenzi okwenziwa abanye,’ kusho yena.

IsiKhulu sezokuThuthukiswa kwezokuPhatha nezokuHola, uMnu Mandla Ndaba, sigcizelele ubumqoka bendlela yokwethula uma abaqhudelanayo bethula amasu nezindlela zamabhizinisi abo phambi kwethimba labehluleli. Weluleke abaqhudelanayo ukuthi bangazifanisi nabanye, bakhulume kuzwakele, baphimise kahle uma bekhuluma, balungise inkulumo eshelelayo, bangabi namahloni, babeneqholo.

Amagama nesiThombe: uHlengiwe Khwela