Kusukela kwesobunxele: UMphathi wezeziMali kwa-Humanities, uDkt Dane Arumugam; umQondisi Oyibamba kwa-Professional Services, uDkt Phumelele Zakwe; noSolwazi wezoCwaningo eKolishi, uSaleem Badat. Phambii: Ibamba leDini yezeSayensi yezeNhlalo, uSolwazi Vivian Ojong; uSolwazi Nhlanhla Mkhize; neDini yeSikole sezobuCiko, uSolwazi Nobuhle Hlongwa.Umxhaso wezi-R9.8m we-Early Career Scholars Programme
Click here for English version
I-Andrew W. Mellon Foundation yase-New York igixabeze i-College of Humanities yase-UKZN ngama-R9.8 million iminyaka emihlanu ye-Early Career Scholars Programme.
Lo mxhaso weminyaka emihlanu - oncike ohlelweni olubanzi lokukhiqiza osolwazi - inhloso yawo ukweseka izifundiswa ezisangena emkhakheni wezesiNtu e-UKZN ngokuzidalela amathuba okwenza ucwaningo, ukweluleka abafundi abenza ucwaningo, ukwenza izifundo zobudokotela, ukuya ezingqungqutheleni, nokwandisa amathuba okucwaninga, ubuchule bokubhala nokuchushisa abafundi abenza ucwaningo ukuthuthukisa imisebenzi yabo.
Emehlweni e-Mellon, izifundiswa ezintsha zichazwa njengezifundiswa ezinezinkontileka (okusho lezo eziqashwe ngokugcwele), ezineziqu zobudokotela emikhakheni yazo, ezithole iziqu zobudokotela emikhakheni yazo eminyakeni eyishumi eyedlule nezinerekhodi lokuvama ukushicilela ucwaningo.
IPhini leSekelashansela neNoko yeKolishi lezesiNtu, uSolwazi Nhlanhla Mkhize, uthe: ‘Ngisezinhlelweni zokusungula ikomidi engizoba wusihlalo walo kanti ngizobhekana ne-Early Career Scholars Programme. Uma isikhathi sesifikile kuzokwenziwa isimemezelo sezicelo zama-Early Career Academic Staff Research Fellowships. Ngifisa ukubonga i-Andrew W. Mellon Foundation ngosizo lwayo kwi-Humanities Early Career Scholars Programme lwase-UKZN.’
Imiklomelo ye-Mellon ibheka le minxa elandelayo:
• Ama-Early Career Academic Staff Research Fellowships
Lo mklomelo uzosiza abasebenzi abayi-12 isimesta eyodwa ngezindleko zokuvala izikhala zokufundisa; ababili ngonyaka wokuqala, abathathu ngonyaka wesibili nabathathu ngonyaka wesithathu, ababili ngonyaka wesine nababili ngonyaka wesihlanu. Izindleko zokuvala izikhala zizohambisana nemali ekhokhwa yi-UKZN.
• Imifundaze ye-Early Career Academic Staff Research
Abasebenzi basenyuvesi abayi-12 abagixabezwa nge-Research Fellowship bazothola imifundaze yokubhala nokushicilela.
• Imisebenzi ye-Early Career Academic Staff Development
Abasebenzi abayi-12 bazokwesekwa ngemikhankaso yokuthuthukiswa ephathelene nokubhala nokushicilela nokweluleka abenza amaqhuzu amakhulu. Ngaphezu kwaloko, abasebenzi bazokwesekwa uma beya ezingqungqutheleni ukuze bethule imisebenzi yabo nokwenza abalingani kwezemfundo nezokushicilela. Izithangami zokucijana ekubhaleni, ekushicileleni nasekwelulekeni izitshudeni ezenza ucwaningo kubalula izifundiswa ezintsha.
• Ama-Early Career Academic Staff Postdoctoral Fellowships
Ngemuva kwezinyanga eziyisithupha zama-fellowship ocwaningo, kungaba nesidingo sokwenza amathuba ezifundo zobudokotela ukukhetha abasebenzi abaneziqu zobudokotela emikhakheni yabo ukuthi babhale noma benza ucwaningo olude kunoluvamile ngokohlelo lwezifundo zabo. Zenziwe izinhlelo zokuhlinzeka ama-fellowship eziqu zobudokotela emikhakheni emihlanu.
• Imifundaze yabafundi
Ukwelekelela intuthuko nokusimama kwabasebenzi ihlose ukuqondanisa izitshudeni ezenze iziqu zocwaningo kuma-Early Career Academic Staff Research Fellows. Eminyakeni emihlanu, kuzoba nemifundaze eyishumi ye-mastazi neyeziqu zobudokotela emikhakheni ehlukene isikhathi esiyiminyaka emine.
Abasebenzi abafanele ukufaka izicelo bangabheka izimemezelo emasontweni amabili ezayo.
Amagama: ngu-Melissa Mungroo
Isithombe: Sithunyelwe