Abafundi Abangosomabhizinisi base-UKZN InQubate Bafinyelele Kowamanqamu Kumncintiswano Kazwelonke

BY: .

Click here for English version

Abafundi ababili abangosomabhizinisi base-UKZN bafinyelele kowamanqamu e-Entrepreneurship Development in Higher Education (i-EDHE) Intervarsity Challenge ezoba sePitoli ngoLwezi.

UMnu Sihawu Kunene wase-UKZN unqobe emunxeni i-Business Idea Category, kwathi uMnu Jabulani Nyembe wanqoba kowe-Existing Business Tech Category.

Imiqhudelwano yezifundazwe ye-Entrepreneurship Challenge yenzelwe ezinkundleni zokuxhumana ngobuchwepheshe besimanje kuyo yonke iNingizimu Afrika ngoNtulikazi nangoNcwaba, kwathi imingenelo evela eKwaZulu-Natali yavela eMangosuthu University of Technology, e-Durban University of Technology, e-University of Zululand a nase-UKZN.

Umncintiswano uhlukaniswe iminxa emine okuyi-Business Ideas, i-Existing Tech Businesses, i-Existing Social Impact Businesses, ne-Existing General Businesses.

I-Challenge, umkhankaso we-EDHE engaphansi kwesandla se-University Education Branch yoMnyango wezeSayensi nokuQamba, ixhaswe yi-University Capacity Devlopment Programme yoMnyango wezeMfundo ePhakeme nokuQeqesha, yesekwa yi-Universities South Africa (i-USAf) nabalingani bayo.

Abaxhasi bakulo nyaka yi-Allan Gray Orbis Foundation, i-SAB Foundation, ne-First National Bank.

UKunene ongumfundi we-BCom owenza unyaka wesithathu umatasa nokwethula ‘iNene device’ okuyithuluzi lezokuphepha elenzelwe abafundi basenyuvesi ukuthi banciphise ubugebengu ababhekene nabo.

UKunene, onethuba elihle kowamanqamu omncintiswano lokuthola ukuxhaswa ukuze asimamise ibhizinisi lakhe, ungomunye wabafundi abangama-20 ohlelweni i-Enterprise Accelerator, olulawulwa wuphiko lwase-UKZN lwe-InQubate.

‘Ayikho into eyake yavivinya intshisekelo yami yokwenza umehluko edlula ukungenela umncintiswano we-EDHE Intervasity,’ kusho yena. ‘Uhambo olubheke kowamanqamu luwuhambo engibe nenhlanhla yokulihamba ngisekelwe ngabantu abakhuthaza umoya wamabhizinisi. Ibuswa wumqondo wokusebenza ngokuzikhandla nokuzilungiselela, ithimba le-ENSPIRE ye-InQubate yase-UKZN akungatshazwa ukuthi libesemqoka.’

UNyembe ongumfundi weBachelor of Business Science uvele uneziqu ze-Bachelor of Science in Human Physiology. Inkampani yakhe i-Clinalytics (Pty) Ltd yenza uhlelo lwamakhompyutha i-Electronic Health Records (i-HER) eyenza ukuthi odokotela bezempilo baqophe, bagcine futhi bathole ulwazi lwezempilo ezigulini zabo, bakwazi ukucubungula ubufakazi nokunciphisa isikhathi somsebenzi wasehhovisi.

UNyembe, obhizinisi lakhe lixhaswe yi-InQubate, uthe ujabule ngokufinyelela kowamanqamu futhi uzophakamisa ‘igama le-UKZN’.

Amagama: ngu-Khutso Ramontja

Isithombe: Sithunyelwe