UDkt Trishana Ramluckan owenza iziqu zobuDokotela kwezeMthetho eSikoleni sezoMthetho.OwezobuDokotela KwezeMthetho Kwabangama-50 Abavelele e-Afrika
Click here for English version
UDkt Trishana Ramluckan owenza iziqu zobuDokotela kwezeMthetho eSikoleni sezoMthetho uhlonishwe ngokufakwa kocwaningo lwakhe kwi-Top 50 Women in Cybersecurity in Africa yokuqala, eyethulwe engqungqutheleni yezokuphepha kwi-inthanethi e-Quartecon.
Le miklomelo yayizomenyezelwa ngoNdasa kepha umcimbi wahlehliswa, wagcina wenzelwe esigcawini sokuxhumana ngobuchwepheshe. Ngokwesimemo kuthiwa ‘uhla luhlonipha abantu besifazane kwezokuphepha kwe-inthanethi eAfrika ngowezi-2019/20, ababe negalelo elikhulu ekuthuthukiseni lo mkhakha, nabacaba indlela becabela isizukulwane sangomuso, kwezinye izinto ezimqoka abazenzile.’
Imiklomelo ibixhaswe yi-Cyber in Africa, inkampani yezophepha kwi-inthanethi yaseNairobi, ne-WISECRA (i-Women in Security & Resilience Alliance), inkampani yaphesheya ekhuthalele ukungena kwabantu besifazane emkhakheni wezokuphepha kwi-inthanethi. Bebengama-300 abebeqokelwe izikhala ezingama-50, abaqokiwe bevela emazingeni nasemikhakheni ehlukene emazweni ayisikhombisa ase-Afrika. U-Ramluckan ubeqokelwe ucwaningo lwakhe kwezomthetho wokulawula ezokuphepha kwi-intanethi.
Useke wakhuluma ezingqungqutheleni eziningi phesheya nakuleli, ezinye ezazihlelwe ngokuhlanganyela nabaphesheya. Unamaphepha ocwaningo amaningi ashicilelwe nashicilelwayo agxile kwezomthetho wezokuphepha kwi-inthanethi oluthinta iNingizimu Afrika. Yisihloko esimqoka eNingizimu Afrika njengoba ngalesi sikhathi sobhubhane i-COVID-19 kudlange izigameko zokwebiwa kwemininingwane yabantu kwi-inthanethi.
Amagama: yi-NdabaOnline
Isithombe: Sithunyelwe