Opopayi be-Don’t Panic.I-CCMS Emkhiqizweni Wobuchwepheshe Wopopayi i-Don’t Panic
Click here for English version
Umfundi owenza iziqu zobudokotela eSikoleni sezobuCiko, uMnu Damien Tomaselli, nabanye abasebenzi base-Centre for Communication, Media and Society (CCMS) bayingxenye yomkhiqizo wobuchwepheshe wopopayi obizwa nge-Don’t Panic.
Ithimba laphesheya elisiza abazali abanezinselelo zokuchazela izingane zabo ukuthi kungani zisemgonqweni nokuthi bamelane kanjani nalesi simo lenze labopopayi ukusabalalisa ulwazi nge-coronavirus. Umdlalo wopopayi uqanjwe umdwebi ngobuchwepheshe waseJalimane uMnu Bernd Höllen, wenziwa ngu-Tomaselli ungoti wombhali ngobuchwepheshe.
Lo msebenzi odidiyelwe yi-CCMS utholakala ngezilimi eziningi njengesiNgisi, isiZulu, isiBhunu, isiJalimane, isiFrentshi, isiRashiya, isiDashi, isiSwidi, isiPenishi, isi-Armenian, isiPholishi, nesiPutukezi. I-CCMS ilekelele ngokusabalalisa labopopayi, yathola otolika abangamavolontiya i-Afrika yonke nasemhlabeni ukuthi batolike ngezilimi ezehlukene kanti kumanje sekufakwe ezinkundleni zobuchwepheshe eziyi-15.
Labopopayi bafanele bonke abazali abazama ukusebenzela ekhaya, bexinwe yizingane zabo.
‘Yisikhathi esinzima lesi, ikakhulukazi ezinganeni. Senze opopayi bamahhala ukuchazela izingane zethu ngalesi simo. Abantu balahlekelwa umsebenzi, bahleli emgonqweni, izingane azikwazi ukuya esikoleni ngisho ukuyodlala emnyango nabangani,’ kusho u-Höllen. ‘Yenza i-download ye-Madefire Motion Book App, bese ufunda opopayi ocingweni lakho. I-Motion Books indlela yokufunda nokubuka opopayi. I-Motion Books isike yachazwa “njengefilimu efundwayo”.’
Kuvumelekile ukusabalalisa labopopayi inqobo nje uma kuzoshiwo ukuthi ngababashicileli i-The Cauldron nabenzi babo o-Höllen, u-Tomaselli noMnu Oliver Frot.
Le ncwadi itholakala ngokwenza i-download ku: www.enterthecauldron.com/dontpanic
Isithombe esishuthiwe sitholakala ku: https://youtu.be/Tbcc_lmpiXI.
Facebook @cauldroncommunity
Instagram @cauldroncommunity
Twitter @brewingcauldron
Amagama: ngu-Melissa Mungroo
Isithombe: Sithunyelwe