Isethulo seVidiyo Esuselwa eSifundweni

BY: .

Click here for English version

I-University Technology Enhanced Learning yase-UKZN (i-UTEL) ibambisene noSolwazi Kriben Pillay ofundisa ngezokuhola eSikoleni esifundisa ngamaBhizinisi nezokuPhatha bahlanganise ividiyo besebenzisa inkulumo ayethule kwesinye isifundo.

Lesifundo, The Illusion of Solid and Separate Things: Troublesome Knowledge and the Curriculum, besihlelwe Ihhovisi Lezokufunda Nokufundisa Enyuvesi (i-UTLO) ngoNcwaba ngowezi-2018 kanti lesi sihloko saphinde sethulwa njengenkulumo yosuku esiGcawini sokuCobelelana ngolwazi lokufundisa ngezobuHlengikazi e-New York University ngoLwezi wezi-2018.

UPillay uthe: ‘Lesifundo sasisuselwa esihlokweni engasibhala encwadini yangowezi-2016 esihloko sithi, Disrupting Higher Education Curriculum: Undoing Cognitive Damage eyahlelwa nguDkt Rubby Dhunpath, uSolwazi Michael Samuel noSolwazi Nyna Amin lapho ngangibheka khona indlela imali osekuyiyona ehamba phambili ngayo kwezemfundo emhlabeni-jikelele nokufakazela okwashiwo ngu-Einstein akubiza nge“optical delusion of consciousness” nokuwumsuka wokwehlukana kwethu.’

‘Kwangicacela ukuthi nakuba nginaso isethulo esiku-Powerpoint nevidiyo eyiphelezelayo kodwa ukuguqula yonke into ibe yividiyokungenza ibukeke kahle kakhulu futhi izwakale kahle. Ukwengeza ividiyo ngengxoxo eyayingahleliwe phakathi kwami nowayengomunye wabafundi bami beziqu zobudokotela, uDkt Kriyanka Moodley, kwenza lokhu esasikwenzile ekuqaleni kube kuhle kakhulu,’ kwengeza uPillay.

UMhleli wevidiyo e-UTEL, uMnu Njabulo Dladla, nokunguyena owayeqondisa ukuguqulwa kwesethulo esiku-Powerpoint kube yividiyo uthe: ‘Siqala kwakuyinto elikhuni ukuyenza ividiyo ibe yile ndlela uSolwazi Pillay ayechaza ngayo ukuthi ufisa ibe yiyona. Kodwa emva kokuzwa ukuthi ukuthi kunesethulo esiku-Powerpoint esesenziwe kuphela nje okumele kwenziwe ividiyosashintsha izinto kancane sengeza ngosofa, amalambu amabili nezinye izinto ezenza obukelayo angaboni umehluko phakathi kwevidiyo ne-Powerpoint.”

Umphathi wase-UTEL, uMnu Jasper Cecile, uthe nakuba sebeqophe izifundo nezingxoxo eziningi e-studio sabo kodwa bebeqala ukuguqula isethulo esiku-powerpoint sibe yividiyo.

UDhunpath we-UTLO uthe lokhu kumele kugqugquzele abanye abafundisayo ukuthi benze okufanayo ngokwabelana nomphakathi ngomsebenzi wabo.

‘Ngiyajabula kakhulu ukuthi uSolwazi Pillay usezinikele ekutheni uzolekelela abanye abafisa ukwenza amavidiyo anjena ikakhulukazi ekubhaleni nasekwethuleni umsebenzi wabo,’ kusho uDhunpath.

UNksz Devi Nanen wase-New York University owayengomunye abebesingethe uPillay ngenkathi evakashile nyakenye uthe ubone ividiyo ‘iyinhle, ilandeleka kalula futhi ibhalwe kahle’. Wengeze ngokuthi ‘kumele sithole indlela yokufundisa sisebenzisa ividiyo’.

IVidiyo ungayibuka ku: https://www.youtube.com/watch?v=QnzddHwk8Lk

Amagama: u-Kriben Pillay

Isithombe: Sithunyelwe