Osolwazi base-CLMS Ohlwini Lwabacwaningi Abavelele

BY: .

Click here for English version

OSolwazi Stephen Mutula no-Paul-Francois Muzindutsi abafundisa e-College of Law and Management Studies (e-CLMS) basohlwini lwabacwaningi abavelele abangama-30 eNyuvesi yaKwaZulu-Natali.

I-Top 30 inabacwaningi ababhale kakhulu amaphepha ocwaningo emabhukwini ocwaningo avunywe wumNyango wezeMfundo ePhakeme nabalingani babo abacwaningi.

UMutula, oyiBamba njengeDini neNhloko yeSikole seManagement, IT and Governance uwumcwaningi ohlonishwa yi-National Research Foundation kanti wake waklonyeliswa yi-Emerald Publishing House (yase-UK) ngemiklomelo eyisikhombisa, waphinde waklonyeliswa yi-Fiek Foundation (yaseJalimane) ngokuhola ucwaningo ngobuqotho bezifundo ngolwazi ezifundweni zezikhungo eziphezulu e-Afrika, waklonyeliswa ngokuba wumncwaningi wonyaka esasebenza e-University of Botswana (ngonyaka wezi-2005 nowezi-2007), waklonyeliswa nge-International Federation of Library Associations (i-IFLA) ngokuqhamuka nendlela entsha yokufundisa abafundi abenza unyaka wokuqala enyuvesi ukufundisa ngamakhono ngolwazi (ngowezi-2007). Unezincwadi ezinhlanu ezishicilelwe.

Ephawula uthe, ‘Ngibonga abalingani bami nezitshudeni zami engisebenza nazo ngalo mklomelo. Bahlale bengikhuthaza.’

UMutula ushicilele amaphepha ocwaningo emabhukwini ocwaningo ahlonishwayo emhlabeni okubalwa kuwona i-African Journal of Information Systems, i-International Journal of Information Management, i-Online Information Review, i-International Journal of Innovation in the Digital Economy, i-International Journal of e-Adoption, i-Program: Electronic Library and Information Systems, i-The Electronic Library, i-South African Journal of Information Management, i-International Journal of Education Development in Africa, i-Journal of African Elections ne-Malaysian Journal of Library and Information Sciences.

UMuzindutsi oklonyeliswe okwesithathu iminyaka ilandelana uyi-Associate Professor ye-Finance eSikoleni se-Accounting, Economics and Finance. Ungowesithathu ohlwini lwe-Top 10 Young Published Researchers. Useke wathola imiklomelo i-Emerging Researchers Award ngowezi-2013 ne-Research Excellence Award ngowezi-2015 (e-North West University).

‘Ngithukile kodwa futhi ngakhuthazeka ukuklonyeliswa njengomunye wabacwaningi abangama-30 abavelele e-UKZN. Kusho ukuthi uyabonakala umsebenzi wami wokuzikhandla kanti ngizimisele ukuqhubeka ngidlondlobale,’ kusho uMuzindutsi.

Ngonyaka wezi-2018, uMuzindutsi ubhale amaphepha ocwaningo emabhukwini ocwaningo ahlonishwayo emhlabeni nakuleli okubalwa kuwona i-International Journal of Economic Policy in Emerging Economies (i-IJEPEE), i-International Journal of Monetary Economics and Finance, i-Frontiers in Finance and Economics ne-International Journal of Economics and Finance Studies.

Kumanje wenza ucwaningo ngokuxhumana kwezimakethe zezimali nezingozi ezehlukene zezimakethe ezisathuthuka ngenhloso yokubala ngendlela efanele ubungozi bezwe okungekho endleleni okuvame ukubalwa ngayo.

Amagama: wu-Lungile Ngubelanga

Isithombe: Sithunyelwe