Amazwibela esithangami se-Recognition of Prior Learning ophikweni lwase-Westville.I-UKZN Ibe Nomhlangano Wokucobelana ngoLwazi Wabelaphi Bendabuko
Click here for English version
I-UKZN noMnyango wezeSayensi nokuqamba iziNto eziNtsha ibinesithangami sesonto sabelaphi bendabuko ababeyingxenye yekomiti lokuhlela elasungulwa uNgqongqoshe wezeMfundo ePhakeme, ezeSayensi nezobuChwepheshe uDkt Blade Nzimande.
Leli komiti lamalungu ali-13 lizogxila ku-Piloting the Recognition of Prior Learning (i-RPL) of Indigenous Knowledge Practitioners, ikakhulu ukubhaliswa kwabahloli nezitifiketi zongoti ezintweni zendabuko.
Ekhuluma ngaphambi kwesethulo, uNgqongqoshe Nzimande uthe: ‘Ukusungulwa kwezindlela zokuhlonipha ulwazi lwendabuko njengomkhakha ohlonishwayo onezinhlaka zawo nezindlela zokuqikelela izinga yigxathu elimqoka ekuhlonipheni ulwazi lwendabuko njengomkhakha ozimele ngokwawo.’
USihlalo weNdlu yabaHoli beNdabuko Inkosi PhathisizweChiliza uthe kunesidingo sokwenza ihlambo ngemuva konyaka wezi-1994.
UChiliza uthe abantu abayibamba empini badinga usizo lwabaholi bendabuko njengoba bona beqonda izinto zemimoya. Inkosi Chiliza ithe ukuhlaselwa kwabantu bokufika kuwuphawu lokuthi kukhona okonakele, yagcizelela ukuthi kube nemibhidlango ezoqalwa yikomiti elihlelayo ezosiza ukwelapha isizwe nezwe.
UMqondisi oMkhulu wemiSebenzi yezeSayensi eMnyangweni wezeSayensi nobuChwepheshe uSolwazi Yonah Seleti uthe umthetho i-Protection, Promotion, Development and Management of Indigenous Knowledge Act Nombolo 6 wangowezi-2019 uzolungisa ‘ukungalingani nokungabi bikho kobulungisa okwasehlela kuleli zwe iminyaka eminingi’.
IKomiti eliHlelayo lizobheka uhlelo lwe-Discipline of Competence for the Traditional Health Practice ukuhlola izindlela zokusebenza kwalo nokubheka izinga lomsebenzi esimweni somsebenzi sangempela.
Izindlela zokusebenza nezokubheka izinga lomsebenzi emikhakheni yabahlahli, izinyanga, ababelethisi nabelaphi zaqalwa KwaZulu-Natal, e-North West naseLimpopo. Umsebenzi weKZN yiwo ohambe phambili ngokwezinga labelaphi bendabuko.
Uhlelo luzohlolwa iminyaka emithathu ngaphambi kokuthi ludluliselwe kwezinye izifundazwe.
Amagama: u-Raylene Captain-Hasthibeer
Izithombe: u-Itumeleng Masa