Umshayiphiyano uMnu Lindokuhle Mbothwe.Umfundi WezoMculo Uthole Umfundaze we-Marc Raubenheimer Memorial
Click here for English version
Umfundi ongumshayiphiyano wekilasikhi owenza unyaka wokuqala, uMnu Lindokuhle Mbothwe, uthole umfundaze we-Marc Raubenheimer Memorial Scholarship, ewumklomelo omkhulu ezweni lonke otholwa ngabashayi bophiyano abancane emculweni wekilasikhi eNingizimu Afrika.
‘Kade ngangizifisela into enje,’ kusho uMbothwe. ‘Ukuthola lo mklomelo kuwukufezeka kwephupho impela. Kuwubufakazi bokuthi uma usebenza ngokuzikhandla, uzinikela kokwenzayo, uNkulunkulu ukubusisa kakhulu.’
Uwuncomile lo mfundaze, wathi ukhuthaza abafundi ukuthi basebenze ngokuzikhandla.
Uthando lwakhe lokudlala uphiyano lwaqala efunda u-Grade 11. ‘Ngangizibukela amavidiyo, ngazithela kwividiyo yomfana oneminyaka emibili wase-China edlala i-Flight of the Bumblebee. Wangimangaza futhi wangikhuthaza nami ngafunga ukuthi ngelinye ilanga ngizowudlala lo mucu kanti nebala kwaba njalo.
UMbothwe uhlela ukukhokhela izifundo zakhe, azithengele nophiyano ngalo mfundaze. ‘Isifiso sami ukudlala uphiyano emakhonsathini, ngidlale emhlabeni wonke, ngingenele imincintiswano yophiyano yase-Poland.’
Iseluleko sakhe kwabanye abaculi sithi: ‘Uma ubona sengathi kunzima, kuthi yekela, ungayeki! Ngalowo mzuzu kusuke kukhona okwenzekayo. Kufanele udlule ebunzimeni ngaphambi kokuphumelela.’
Amagama nesithombe: u-Melissa Mungroo