“I-Big Data in Astronomy” Icabele Owe-Honours Indlela

BY: .

Click here for English version

UNks Lisa Dayaram ongumfundi we-Onazi ku-Computer Science ekhempasini i-Westville, ubefunda isonto lonke e-Swiss Federal Institute of Technology (i-ETH Zurich) ngoNhlangulana. Uhambo lwakhe beluxhaswe ngokwesivumelwano se-Switzerland neNingizimu Afrika.

Inhloso enkulu yohambo lwakhe bekuwukuyokhuluma ngesihloko esithi ‘Big Data in Astronomy’, ikakhulukazi izinselelo ze-big data emsebenzini we-HIRAX radio telescope. Phakathi kwezikhungo ebezihlanganyele lapha bekukhona i-ETH Zurich, i-University of Geneva, neqoqo lamanyuvesi aseNingizimu Afrika eholwa yi-Nyuvesi yaKwaZulu-Natal (i-UKZN).

UDayaram kumanje uphezu kokuqedela umsebenzi wakhe wocwaningo lweziqu ze-Onazi ngokufundisisa ngomumo we-radio telescope, okuxilonga ngokusebenza kwezindlela ezihlukanisa uphawu lwezasemhlabeni nezibhidi ngokubuka ngeso lama- 21cm.

Njengoba e-UKZN kugcizelelwa ucwaningo olufaka imikhakha eminingi, sesisikhulu isidingo sokwenziwa kwezindlela zokufundisa ngemishini kanti i-HIRAX ikhuphule umdlandla wokucwaninga ngezinto zasemkhathini nokufundisisa. Ukuhlanganyela ocwaningweni phakathi kwezasemkhathini noma ezezinkanyezi ne-computer science kugxile ekusebenziseni indlela yokufundisisa endimeni yezasemkhathini.

UDayaram ukuthakasele ukuba kulesiya sikhungo nempilo yedolobha lakhona, kanti uhambo lwakhe lumnike ithuba elihle lokuhlanganyela nabanye abacwaningi endimeni yezasemkhathini neye-computer science. Ubonge abamsiza ngokumcebisa ngocwaningo lwakhe oDkt Devin Crichton no-Anban Pillay; uNks Khanyisile Gwamanda; noSolwazi Alexandre Refregier no-Kavilan Moodley.

Amagama: ngu-Anban Pillay

Isithombe: Sithunyelwe