Indondo Yekhethelo kwi-Durban International Film Festival

BY: .

Click here for English version

I-University of KwaZulu-Natal (i-KZN) ihlabane nge-MEC Special Award kuma-Simon "Mabhunu" Sabela Film and Television Awards e-Playhouse Theatre kulo nyaka nge-Durban International Film Festival yayo.

Le miklomelo, eyasungulwa ngo-2013 ukuqhakambisa ithalente laKwaZulu-Natali, yaqanjwa ngegama likaSabela owaba wumqondisi wamafilimu oMnyama wokuqala waseNingizimu Afrika.

I-MEC Award itholwa wumuntu, iqembu, noma inhlangano ebe neqhaza elibonakalayo lokuthuthukisa imboni yamafilimu nethelevishini esifundazweni.

I-UKZN ihlonishwe yiKZN Film Commission ngokuba seqhulwini iminyaka engama-40 edlule ye-DIFF, eyifestiveli esinesikhathi eside ukuwedlula wonke eNingizimu Afrika.

uSolwazi Nana Poku, oyiSekelashansela noMphathi e-UKZN uthe: ‘Inyuvesi ibonga i-KwaZulu-Natal Film Commission ngokusigixabeza ngale ndondo enkulu kangaka. Impela kuyinto enkulu kanti ngiyanibonga egameni le-UKZN nabantu abaningi base-Centre for Creative Arts ngomsebenzi wabo wokuzikhandla nokuzinikela iminyaka edlule engama-40 benza lo msebenzi uqhubeke. Loku kugqanyiswa nawukuhlonishwa njengefestiveli ende kunawo wonke kanti siyathakasa ngaloku kuhlonishwa.’

UNks Jackie Motsepe we-KwaZulu-Natal Film Commission uthe: ‘Njengoba i-DIFF ibigubha iminyaka engama-40 yasungulwa, umNyango wezokuThuthukiswa koMnotho, ezokuVakasha nezokuGcinwa kweMvelo ne-KwaZulu-Natal Film Commission babone kufanele ukuthi kuklonyeliswe i-UKZN ngomsebenzi wayo omuhle wokuthuthukisa nokugcina lo mcimbi wase-Afrika usezingeni eliphezulu.’

UMotsepe uthe i-DIFF yifestiveli abaqophi bamafilimu abangalenzi iphutha lokuphuthelwa yiyona njengoba ibanika ithuba lokucobelelana nabalingani babo e-Afrika nasemhlabeni, iphinde ibe yinkundla yokuthi bonke abenza amafilimu baqhakambise umsebenzi wabo, bahlangane nabanye abantu kuyo.

Uqhube wathi: ‘Iyifestiveli (abantu) abenza amafilimu abangafisi ukuphuthelwa yiyona njengoba idumile, ihlonishwa, futhi iyithuba lokuthi abenzi bamafilimu bahlangane nabalingani babo bakwezinye izindawo emhlabeni. Abenzi bamafilimu bomhlaba abaphuthelwa yile festiveli njengoba ibanika ithuba lokuthi bagabise ngemisebenzi yabo nekhono labo, okubasiza ukuthi bathole ithuba lokuthi bangasizwa ngobani ’

UMnu Mzwandile Makhanya ofundisa i-Film and Media Studies e-UKZN School of Arts uhlabane nge-Simon ‘Mabhunu’ Sabela Film and Television Award emunxeni i-Best Student Film.

Ifilimu edle umhlanganiso, UBIZO, ingomuntu onamahloni nozenyezayo okudingeka abhekane nenselelo yamahloni akhe ukuze afeze iphupho lakhe lokuba wumdansi okhokhelwayo.

Amagama: ngu-Melissa Mungroo

Izithombe: Zithunyelwe