Umfundi wakudala wase-UKZN nongoti kwezokudla okunempilo, uNkk Penny Kaye (uMa-Burns), ozoklonyeliswa yiNdlovukazi u-Elizabeth wesiBili nge-MBE.OwayenguMfundi wase-UKZN Uchonywe Uphaphe Lwegwalagwala KwelamaNgisi
Click here for English version
OwayenguMfundi wase-UKZN, uNkk Penny Kaye (uMa-Burns), uhlonishwe ngomklomelo, i-Member of the Most Excellent Order of the British Empire (i-MBE), ngokuzinikela kwakhe emsebenzini ezigulini ezinezimila zomdlavuza endimeni yesayensi nobuciko bokudla okunempilo.
Lo mklomelo omkhulu ukhishwa yiNdlovukazi yamaNgisi, u-Elizabeth wesiBili, minyaka yonke. Lo mklomelo utholwa wumuntu owenza umsebenzi oncomekayo emphakathini nozinikele.
UKaye wathola iziqu ze-BSc Dietetics ne-Diploma ephezulu eNyuvesi yaseNatali (esibizwa ngeNyuvesi yaKwaZulu-Natali) ngowe-1991. Ngemva kokuthola iziqu zakhe, wasebenza ezibhedlela i-Northdale ne-Grey’s eMgungundlovu, ngaphambi kokuthuthela eNgilandi lapho afike wagxila khona oHlelweni lwezeMpilo lukaZwelonke (i-NHS).
Njengongoti kwezokudla okunempilo we-MacMillan Cancer Support Charity ngaphansi kohlelo lwe-NHS, uklonyeliswa nge-MBE ngenxa yomsebenzi wakhe ezigulini zomdlavuza wokuzisiza ngokugula zaliwa imishanguzo yokuthithibalisa umdlavuza.
UKaye uzoklonyeliswa nge-MBE mhla zi-2 kuNdasa ngowezi-2019 e-Buckingham Palace, eklonyeliswa ngomunye wabantwana wasebukhosini bamaNgisi.
INhloko yoMnyango we-Dietetics and Human Nutrition e-UKZN, uDkt Suna Kassier, uthe: ‘Siyaziqhenya ngokuthi umklomelo onje unikwe omunye wabafundi bethu bakudala. Njalo uma sidlula esithombeni sekilasi lonyaka wokugcina likaNkk Kaye ephaseshi loMnyango we-Dietetics and Human Nutrition, sizosithi klabe kancane sibheke umhla zi-2 kuNhlaba ngowezi-2019!’
Amagama: ngu-Sally Frost