Umfundi Wezobunjiniyela Unqobele Izwe i-IEEE Section Award

BY: .

Click here for English version

Umfundi owenza iziqu zobudokotela kwi-Electronic Engineering, uMnu Dauda Olayinka Ayanda, uhlabane nge-MGA Outstanding Medium Section Award yase-Institute of Electrical and Electronic Engineers (e-IEEE) kwi-South African Section.

Lo mklomelo kazwelonke, obekungokokuqala unikwa i-EEE South Africa Section, uhlonipha amagalelo ayo ekufezeni izinjongo zezemfundo nezesayensi ze-IEEE ngomsebenzi wayo wokuthuthukisa umphakathi ezweni nangaphandle.

U-Ayanda uwuMengameli we-IEEE yase-UKZN, i-Eta Kappa Nu (i-IEEE-HKN) Honour Society, nePhini likaMengameli elidala le-IEEE-HKN Mu Eta Chapter e-University of KwaZulu-Natal (e-UKZN) nePhini likaSihlalo we-IEEE South Africa Section. Phakathi kwemicimbi esike yahlelwa wu-Ayanda kukhona i-IEEE Power and Energy Society Distinguished Lecture kaSolwazi Jay Giri ngonyaka wezi-2017, nezithangami zokuqala ezimbili, phecelezi ama-Senior Membership elevation workshops, ngonyaka wezi-2018 ezazibona igalelo lalabo abafundisa e-UKZN nezinye izisebenzi zakwezinye izindawo zaKwaZulu-Natali.

Wakhuluma emcimbini i-2018 IEEE Day ‘Women in Engineering’ eyayise-Westville Girls’ High School, ethathwa njengomcimbi omkhulukazi wabafundi besikole be-IEEE, waphinde waba ngomunye wabahleli besithangami sikazwelonke sokuqala ukusebenza esasingoMandulo wangonyaka wezi-2018, lapho uDkt Han van Loon ayedingida khona nabafundi ngocwaningo nentuthuko yabo.

Ngaphansi kobuholi buka-Ayanda, i-Mu Eta Chapter yase-UKZN yahlela isithangami sabafundi abenza iziqu zamaqhuzu amakhulu i-LaTeX ngoNtulikazi wangonyaka wezi-2019, okwaba ngokokuqala isigaba senyuvesi eNingizimu Afrika sabambisana ne-Overleaf yaseNingizimu Afrika, ewumhleli we-LaTex ongungqaphambili kwezokuxhumana kwi-internet. U-Ayanda usanda kuqokwa njengomaluleki we-Overleaf waseNingizimu Afrika.

OyiPhini Sekelashansela neNhloko yeKolishi lezezoLimo, ezobuNjiniyela nezeSayensi, uSolwazi Albert Modi, lithe: ‘Siyaziqhayisa kakhulu ngalokhu okuzuzwe ngabafundi bethu bezezobuNjiniyela kanti sifisela i-Mu ETA Chapter ikusasa eliqhakaze ngaphezulu kwalokhu. Lokhu kuyisibonelo esihle sokukhuthala kwabafundi, bezilungiselela ikusasa eliqhakazile.’

I-IEEE South Africa Section yasungulwa ngonyaka wezi-1977 njengengenye yeziGaba ezingama-339 ze-IEEE emhlabeni kanti manje inamalungu evile enkulungwaneni, okukhona kuwo amalungu amadala angama-112 nama-Fellow amane, namalungu emiButho nemikhandlu engama-40.

U-Ayanda, oseke waba yiPhini likaMengameli le-IEEE-HKN Mu Eta Chapter, uwumgqugquzeli wemisebenzi ye-IEEE, agqugquzele ukusimama kobuchwepheshe ezimpilweni zabantu nezinye izinhlelo zokugqugquzela uthando lwemisebenzi ye-IEEE nokwabelana ngolwazi namakhono emisebenzini ye-IEEE.

Uthi: ‘Sivame ukuba nemicimbi ethinta inhlangano nezinye izinto, ehlelwa ngamavolontiya e-IEEE nesekwa yi-IEEE, okukhona kuyo izinkulumo zezicukuthwane eziqavile, izingqungquthela neminye imicimbi yezentuthuko,’ kusho yena.

I-South Africa Section ithuthukisa izindawo zokusebenza zamalungu ayo ngokuqinisekisa ukuthi kuyathekelwa, kwabelwane ngolwazi nongoti bakuleli nabaphesheya kwezilwandle nokugqugquzela imisebenzi yombutho evele ikhona nokusungulwa kwemibutho emisha. Isabalalisa impumelelo yemisebenzi emihle yezesayensi, ezobunjiniyela nezomphakathi ebantwini baphesheya kwezilwandle, isebenzisane nezinhlangano eziningi zikazwelonke okukhona kuzo i-Engineering Council of South Africa, i-South African Institute for Electrical Engineering ne-National Science and Technology Forum.

Amagama: wu-Christine Cuénod

Isithombe: Sithunyelwe