Abakade besemhlanganweni noDkt Sheri Seetal (okwesokudla).Kugqugquzelwa Ukusebenzisana Nempumelelo Kwababengabafundi
Click here for English version
Kusanda kuqiniswa ubudlelwano phakathi kwe-UKZN nababengabafundi, oningi labo lathweswa iziqu phakathi kowezi-2013 noMbasa walonyaka, obuqiniswe nge-Job Search Skills Workshop, ebihlelwe yihhovisi Lezababengabafundi.
Kulesi sithangami sosuku, ebesihlelwe nguDkt Sheri Seetal, bekukhona abafundi abaneziqu bakuwo womane amaKolishi ase-UKZN, oningi labo beliqhamuka ezindaweni ezehlukene zaKwaZulu-Natal. Uvo lwabo bonke lungasongwa ngamazwi ashiwo ngoyedwa obekhona, othe: ‘Ngikuthakasele ukuqeqeshwa futhi ngikholwa wukuthi kunjalo nakwabanye. Ukube besijwayele ukuhamba imihlangano efana nale, ngabe kade sayithola imisebenzi esiyifisayo. Asethembe ukuthi besingagcini ukuhlangana. Ngiyethemba buzoqhubeka ubudlelwano bethu neNyuvesi.’
Umhlangano udingide indaba yokufuna umsebenzi, izikhangisi zomsebenzi, izincwadi zokwendlalela uma ufuna umsebenzi, ukubhala i-CV, amasu enhlolokhono nezinye izinto eziphathelene nomsebenzi njengendlela yokuziphatha, ukuphatha amakhasimende nokubheka ihhovisi. Kuzoba nesinye isithangami esizolandela ngoMfumfu ngamakhono obuholi.
Lemihlangano ikhona minyaka yonke ohlelweni lwehhovisi Lezababengabafundi. Siyayithakasela imibono evela kwabaneziqu ngezinye izihloko abafisa ukuthi zidingidwe.
Amagama: ngu-Finn Christensen
Isithombe: nguNomcebo Msweli