Izifundiswa zase-UKZN Zithole Imiklomelo Yekhethelo

BY: .

Click here for English version

Izifundiswa ezine zase-UKZN zihlomule nge-Distinguished Teachers’ Awards (i-DTA) edilini ebelihlelwe Yihhovisi leNyuvesi Lezokufunda Nokufundisa (i-UTLO).

ZingoSolwazi Kathleen Pithouse-Morgan, uDkt Msizi Mkhize, uDkt Mvuselelo Ngcoya noSolwazi Fayth Ruffin.

Okokuqala ngqa e-UKZN kwethulwe ama-Certificates in Excellence in Teaching. Atholwe woSolwazi Ruth Hoskins, uSolwazi Shenuka Singh, noDokotela Miranda Young-Jahangeer.

UMqondisi weZokufunda Nokufundisa eUKZN, uDkt Rubby Dhunpath, ukhulume ngalaba abaklonyelisiwe, ebachaza njengabantu ‘abayizincithabuchopho ezizothile’. ‘Abathandi ukubukwa, abakuthandi ukugqama. Bagijima bazephula, banikele ngoqobo lwabo ngale kokubheka udumo noma inzuzo.’

U-Dhunpath utuse abaphumelele ku-DTA, etusa uzwelo lwabo kubafundi babo, kubalingani babo nasezindaweni abasebenza kuzo.

USolwazi Raisuyah Bhagwan wase-Durban University of Technology wethule inkulumo ekhethekile kulesi sidlo, wagcizelela ubumqoka bemfundo ephelele. ‘Isisekelo semfundo wubudlelwano babantu, ukufundisa ngokubambisana, ukufundisana, ukuninga, ukuhlakaza amandla nocwaningo – okwenza ukukhiqiza ulwazi olunomsemsebenzi ngokuhlanganyela emiphakathini,’ kusho yena.

U-Bhagwan, oneziqu eziningi kweZehlalakahle, uphakamisa ukwemukelwa kwezindlela ezintsha zokufundisa, okubalwa kuzo ukulanda izindaba, ukufuduka, umdanso, nemidlalo yeshashalazi.

Ukhumbuze izethameli ubumqoka beqhaza lomphakathi. ‘Kungenxa yalolu hlobo lokufunda emiphakathini nokuzama ukuqonda imiphakathi ukuthi abafundi baqonda kangcono iqhaza labo emiphakathini njengezigagayi zomphakathi nokuthi banaliphi iqhaza emphakathini. Kwenza ukuthi imiphakathi ithakaselwe kangcono njengemithombo yolwazi nokuthi igeleze imingcele phakathi kwamanyuvesi nemiphakathi ukuze kube nokubambisana okuthe xaxa.’

UMholi Wezemfundo weQoqo lezoMculo e-UKZN, uSolwazi Chats Devroop, nowayengumfundi kwezomculo nezeshashalazi e-UKZN uNks Jamy-Lee Simons, ubede ejabulisa izethameli ngamanembe omculo.

Umphathi wohlelo bekunguDkt Ansurie Pillay waseDTA. Umcimbi uvalwe ngesethulo somculo namanqampunqampu e-video enabaphumelele ku-DTA.

Ukubheka izingxoxo zalabo abaklonyelisiwe nabafundi babo, ungavakashela ku: Award video 

Amagama: ngu-Raylene Captain-Hasthibeer

Izithombe: ngu-Albert Hirasen