USolwazi Sunil Maharaj nomklomelo ahlonishwe ngawo yiMangosuthu University of Technology. USolwazi Uhlonishwe Ngendondo
Click here for English version
USolwazi Sunil Maharaj waseSikoleni Sezibalo, Izibalomidanti neZifundo Zekhompyutha e-UKZN uhlonishwe nge-Honorary Fellowship Award yiMangosuthu University of Technology (i-MUT) ngegalelo lakhe emkhakheni wezesayensi yezibalo emcimbini walesi sikhungo wokuthweswa iziqu kwa-Faculty of Natural Sciences.
Enkulumweni yakhe, u-Maharaj ubalule ubumqoka bezesayensi yezibalo namathuba ewanika ososayensi nochwepheshe abancane.
U-Maharaj uyi-South African Research Chair in Gravitating Systems, exhaswe yi-National Research Foundation noMnyango wezeSayensi nezoBuchwepheshe. Kusukela ngowezi-2005, unguMqondisi we-Astrophysics and Cosmology Research Unit e-UKZN kanti likhulu igalelo lakhe emikhakheni ye-relativistic kinetic theory, stellar models, radiating stars, inhomogeneous cosmologies, symmetries on manifolds nowe-modified gravity theories.
Ngokubambisana nabanye, u-Maharaj uqhamuke nezisombululo eziningi endimeni ye-relativity neye-gravity esebenzisa izindlela ezehlukene. Ushicilele amaphepha angaphezu kwama-200 kumajenali asemazweni angaphandle, izahluko ezincwadini nasemaphepheni afundwayo ezingqugqutheleni, waba ngumhleli nomhleli obambisene nabanye emicimbini yezingqungquthela zikazwelonke nezomhlaba.
U-Maharaj usebe ngumeluleki wabavakashile bezocwaningo nabafundi abenza iziqu zobuDokotela nezeMastazi emikhakheni ehlukene eNingizimu Afrika naphesheya kanti futhi ungomunye wabasunguli be-Southern African Relativity Society ne-South African Gravity Society.
U-Maharaj wenziwe umcwaningi ovakashayo we-UKZN impilo yakhe yonke ngegalelo lakhe kusayensi ne-Honorary Research Professor e-Jamia Millia Islamia University eNew Delhi, eNdiya.
Useke wabangunoBhala nosiKhwama we-South African Mathematical Society, waba yivolontiya kwi-Council of the Academy of Science of South Africa, wahlala amahlandla amabili esiGungwini se-National Research Foundation.
IDini elisaBambile ku-Faculty of Science e-MUT, uSolwazi Alfred Msomi, uthe: ‘Siyaziqhenya ngokuhlonipha uSolwazi Sunil Maharaj ngeqhaza lakhe endimeni yezibalo kuleli naphesheya.’
OHola uMkhakha eSikolweni Sezibalo, Izibalomidanti neZifundo Zekhompyutha, uSolwazi Paranjothi Pillay, uthi lo mklomelo umfanele ngempela umuntu obe negalelo elikhulu ekuthuthukiseni ucwaningo nokuqeqeshwa kwezesayensi. 'Igalelo lika Solwazi Sunil Maharaj lisezibalweni kuya kufiziksi. Uyisibonelo kubasebenzi nakubafundi bezibalo. Siyaziqhenya isibili ngokuba naye phakathi kwethu.’
Amagama: ngu-Leena Rajpal