I-SOWETO EXCHANGE e-UKZN Jazz Centre

BY: .

Click here for English version

I-Centre for Jazz and Popular Music (i-CJPM) yase-School of Arts yethula iSOWETO EXCHANGE, okuyiqembu lomculo eliholwa wumdlali we-saxophone, u-Ernest Dawkins waseMelika, mhla ziyisithupha kuNhlolanja.

Lesi sihlabani sase-Chicago esishaya into ecokeme sizobe sidlala nezinye izihlabani zaseNingizimu Afrika.

U-Dawkins nabalingani badlala izingoma eziqanjwe yibo ezingahambelana nezijwayelekile emkhakheni kodwa eziyi-jazz.

Ibhendi yakhiwe odlala upiyano u-Alexis Lombre nodlala izigubhu u-Jeremiah Collier, base-Chicago, noshaya icilongo uThabo Sikhakhane waKwaZulu-Natali.

U-Dawkins uwugalagala lukathisha/lomfundisi nomsunguli wenhlangano engenzi nzuzo i-Live the Spirit. Ungenye yezingwazi zabashayi be-saxophone nabaqambi bezingoma emhlabeni. Uwusomabhizinisi onamava emkhakheni wokukhiqiza umculo ngobuchwepheshe obusha aphinde awudayise kwi-internet.

Unabangani abadala be-jazz eNingizimu Afrika, okubalwa kubo izingwazi uZim Ngqawana noFeya Fakun okungozakwabo abazisa kakhulu.

U-Lombre wumshayi-piyano we-jazz osemncane oya kude emkhakheni we-jazz. Ufunda e-University of Michigan, ngaphansi kweso elibukhali lika-Robert Hurst, oseke wazuza indondo i-Grammy Award. Njengoba akhulela eningizimu ye-Chicago, washeshe wabona ukuthi ‘umongo womculo awukho kulokho okuzwayo kodwa futhi usendleleni okuthinta ngayo umculo’. Ukholwa wukuthi ubizo lwakhe emculweni wukwenza umculo ‘uphile’.

U-Collier ungumshayi-zigubhu ocophelelayo, onekhono elisobala nocijwe wu-Dawkins. Ikhono lakhe esemncane lenza waqokelwa ukuyofunda e-Thelonious Monk Institute njengomunye wabafundi bezikhungo zamabanga aphezulu ezifundisa ngobuciko owayebuswa yi-jazz, behambe bejikeleza beyidlala kwamanye amadolobha.

USekhukhune wumholi webhendi yabaculi abayisithupha iThabo Sekhukhune, umdlali wezinsimbi nomfundi omdala wase-Durban Music School kanti kukude lapho ebheke khona njengomshayi-cilongo ovelele eNingizimu Afrika.

Amagama: ngu-Melissa Mungroo ;noThulile Zama

Isithombe: Sithunyelwe