Uthisha Uthola Umklomelo Wokuzinikela Kwezokuphepha Zobuchwepheshe

BY: .

Click here for English version

UDkt Brett van Niekerk, uthisha weSikole Sezibalo, Izibalomidanti Nezifundo Zekhompyutha (i-SMSCS), uthole umklomelo ngomsebenzi wakhe kwezokuphepha kwezobuchwepheshe kuzikhungo zaseNingizimu Afrika ze-Information Systems Audit and Control Association (i-ISACA).

I-ISACA inhlangano yochwepheshe bamazwe ngamazwe engenzi inzuzo egxile ekuhloleni ezobuchwepheshe; ukulawulwa kwezobuchwepheshe, ingozi nokuvumelana; ukuphepha kolwazi kanye nokuphepha kwezobuchwepheshe. Le nhlangano enamalungu angaphezulu kwama-140 000 emazweni angama-180, ihola iphinde ilawule izinye izindlela zokuqinisekisa ubuchwepheshe okufaka Umphathi Wezokuphepha koLwazi Oqinisekisiwe, Umhloli Oqinisekisiwe Ohlola eZobuchwepheshe kanye Nomsebenzi Wezokuphepha Kwezobuchwepheshe.

Isikhungo saseNingizimu Africa, esikhulu kunazo zonke e-Africa esinamalungu angaphezu kwezi-2200, saqalisa uhlelo lemiklomelo ukubonga amalungu abo ngokuzimisela kanye nokusebenza kwabo. Imiklomelo ifaka:

• Umklomelo we-Winston Hayden Leadership
• Umklomelo we-Max Belcher Innovation
• Umklomelo we-Tichaona Zororo Excellence
• Umklomelo Wokuzinikela
• Umklomelo Wochwepheshe Osemusha

U-van Niekerk uthole Umklomelo Wokuzinikela wonyaka wezi-2018 ngomsebenzi wakhe kwezokuphepha kwezobuchwepheshe okufaka ucwaningo lwakhe kanye nokuzibandakanya nokuthuthukiswa kwamazinga kumazwe ngamazwe; ukusebenza kwakhe njengelunga lezinhlangano zasekhaya kanye nezakwamanye amazwe; nokuba umhleli omukhulu ohlanganyele ku-International Journal of Cyber Warfare and Terrorism, kanye nokuphumelela ngesikhathi esasebenza embonini. Ugunyaziwe ngokwe-CISM, wathola imaki lesithathu elikhulu eNingizimu Afrika kusivivinyo sangoZibandlela ngonyaka wezi-2014.

‘Kuyinjabulo ukuthola lo mklomelo. Kuqinisekisa ucwaningo kanye nomsebenzi engangikade ngiwenza eminyakeni edlule futhi kuqinisekisa ukubakhona kwemfundiso enhle emphakathi wezobuchwepheshe,’ esho.

U-van Niekerk wayeHlonishwa njengoMcwaningi Ovakashile e-UKZN kusukela kuNtulikazi wangonyaka wezi-2014 kuya kusikhathi aba yingxenye yeSayensi Yezobuchwepheshe ngokugcwele kuZibandlela wangonyaka wezi-2017. Okwamanje ufundisa ngezokuphepha kohleloxhumana kwasebeneziqu ze-Honours kanye nezifundo zonyaka wokuqala kanye nowesibili.

Amagama: i-Ndabaonline

Isithombe: Kubongwa i-ISACA South Africa