Umbukiso Wase-Ukzn Wokusetshenziswa Kabusha Kokulahliwe Ube Ngundabuzekwayo

BY: .

Click here for English version

Uphiko LezeziNdawo Zokuhlala Abafundi ekhempasini i-Edgewood lube nombukiso walo wokuqala obubukisa ngemfashini eyenziwe ngosetshenziswa kabusha kanye namathalente nobubanjelwe e-Sports Union Hall ohehe abafundi, abasebenzi nezimenywa abebengaphezulu kwezi-2 000.

Lo mcimbi ubuphosele inselelo kuwonke wonke ohlala ezindaweni zokuhlala abafundi ekhempasini i-Edgewood ukuba baqoqe, badwebe bakhiqize izevatho ezimbili ezakhiwe ngokungasetshenziswa kabusha okungama-100%.

 Abebengenele bebehlulelwa ngokubheka indlela okudwetshwe ngayo impahla, indlela esikwe ngayo, okusetshenzesiwe, nobusha bohlobo lwesevatho, nokuzethemba. .

Ongumphathi eMnyangweni Wezezindawo Zokuhlala Abafundi, uMnu K Marumola wemikele abafundi nabebeyizihambeli zalo mcimbi waphinde wababonga ngokufika ngobuningi babo ukuzoseka nokukhangisa ngamathalente abo emkhankasweni wokufundisa ngokusebenzisa kabusha, ukunciphisa okuyimfucuza.

Isikhulumi sosuku uDkt Timothy Adebayo ongumphathi we- Enviromental Planning & Co-ordination eMnyangweni waKwaZulu-Natali WezoLimo NezeMvelo, ukhulume nezethameli ngokubaluleka kokusebenzisa kabusha imfucuza nanomthelela wemfucuza ezimpilweni zabantu nemvelo.

U-Adebayo uhalalisele bonke abafundi ababambe iqhaza ngokuthatha izinyathelo zokuqala ekunciphiseni umthelela wemfucuza kwezemvelo futhi bebe bezenzela imali ngokudayiswa kwezevatho.

Kuqhudelane izindawo zokuhlala abafundi ezingama-20 lapho kuphethe ngokuthi kunqobe eyase-Rosewood ilandelwa yi-Royal Central, kwagcina i-Nagina.

Obhekele ezenhlalo yabafundi uMnu Julian King noyisekela lomsizi wasezindaweni zokuhlala uMnu Lebohang Mathobela babonge abebebambe iqhaza futhi bahalalisela amaqembu anqobile ngakwenzile. 

Ngu-Julian King