MoU phakathi kwe-UKZN ne-Open University izoqinisa ukubambisana kwezocwaningo

BY: .

Click here for English version

I-UKZN nenyuvesi yase-Mauritius i-Open University basayine isivumelwano sokusebenzisana esizoqinisa ukusebenzisana phakathi kwalamanyuvesi amabili.

Lokhu kusebenzisana kuwumphumela wezingxoxo mayelana nokusebenzisana phakathi kukaDkt Upasana Singh noMnu Perienen Appavoo engqungqutheleni yezobuchwepheshe eyayise-Mauritius ngonyaka odlule.

‘UMnu Appavoo nami sinentshisekelo efanayo kwezocwaningo ngakho ngaphakamisa ukuthi sizame ukuthola isivumelwano  phakathi kwezikhungo zethu zombili ukuze sigqugquzele ukusebenzisana okufanele. Lude ukhalo esesiluhambile kusukela kuNtulikazi ngonyaka wezi-2015, lapho kwakulungiswa  isivumelwano kodwa sigcine sisayinwe ekuqaleni kukaMbasa kulo nyaka,’ kusho u-Singh.

U-Singh uphinde wathi lokhu kusebenzisana kuvuleleke kunoma ubani oyisifundiswa e-UKZN nase-Open University onentshisekelo yokuba yingxenye yemizamo yokugqugquzela ukusebenzisana kulemikhakha elandelayo :

•   Ukusebenzisana kwezocwaningo

•   Ukusebenzisana kwabafundi kwezocwaningo

•   Ukunikezelana ngezincwadi nemibhalo yezokufunda

•   Ukubambisana ekuthuthukisweni nasekululekweni kwabocwaningo olusha

•   Ukubambisana ekwelulekweni kwabafundi bezique zeMastazi ne-PhD

‘I-MoU ivumela abafundisi bakulezi zikhungo ukuba babambe iqhaza ekusebenzisaneni kweminyaka emithathu. Abafundisi base-UKZN abanesifiso sokubamba iqhaza emisebenzini yokubambisana bangathintana nami ukuze ngibasize kokumele kwenziwe,’usho kanje.

nguThandiwe Jumo