Umhlangano wokucobelalana ngolwazi ngocwaningo ngomoyamkhathi

BY: .

Click here for English version

Iqembu locwaningo ngomoyamkhathi lase-UKZN i- Atmosphereric ,  Remote Sensing Education and Training (ATMRESET) esikoleni seKhemistri neFiziksi sibambe umhlangano wokucobelelana ngolwazi obusekhempasini i-Westville obunesihloko esithi: “Laser and Optics in Atmospheric in the School of Chemistry and Remote Sensing”.

Lo mhlangano obunesifundo ngezokuphepha uma kusetshenziswa imisebe ye-laser, bewuhlelelwe ukuthi uhambelane nombungazo i-UNESCO International Year of Light and Light-Based Technologies. 

Umhlangano bewuxhaswe yi-African Laser Centre ne-National Research Foundation (NRF) okwenze kwaba lula ukuthi kwabebewuhambele besuka ezindaweni ezihlukene eNingizimu Afrika mahhala.

 Bekunabafundi abangama-25  ababe yingxenye yesifundo semisebe ye-laser kanti abangama-45 bebebambe iqhaza emhlanganwen, behlanganise nabavela eTopiya, eZimbambwe, Aljeriya naseReyuniyoni.

Bekhukhona nabamele izikhungo nezinhlangano ezifana noMnyango WezeSimo SeZulu WaseNingizimu  Afrika , i-UKZN, iNyuvesi yasePitoli, iNyuvesi yase-Nyakatho-Ntshonalanga nenyuvesi yase-Stellebosch. 

I-ATMRESET ihlele lomcimbi ukuze ikhuphule izinga lokwabelana  ngolwazi phakathi kwabafundisi  nabezesayensi yomkhathimoya, ikakhulukazi abafundi asebeneziqu.

Abebethula izinkulumo babandakanya noSolwazi Sivakumar Venkataraman wakwa-ATMRESET, uSolwazi Hassan Bencherif waseNyuvesi yase-La Reunion, uDkt Traiche Mohammed wase-Centre de Develeppment des Technologies Avancees (CDTA) e-Aljeriya, noNkz Paulene Govender benoDkt Yaseera Ismail base-UKZN.

Ngosuku lwesibili lomhlangano kwathulwa izifundo ngokukhanya kanye nobuchwepheshe obusebenza ngokukhanya zethulwa abasebenzi base-UKZN emkhakheni weFiziksi oSolwazi Jon Rash,Thomas Conrad no-Francis Petruccione. UDkt  Alleta Karsten we-National Metrology Institute of South Africa waqeqesha ngezokuphepha. 

Izihloko ezathintwa ngesikhathi kuqeqeshwa kwezokuphepha zibandakanya izifundo ngobuchwepheshe be-remote sensing, nokusebenzisa ubuchwepheshe i-LIDAR ne-SUN-PHOTOMETER kanye nobuchwepheshe base-UKN be-Solar Radiometry nobe –Laser Space Communication.

Abebehambele lo mhlangano bathe umcimbi ubuhlelwe kahle kakhulu futhi usize kakhulu ekukhangiseni kubafundi ngokungenziwa ngemishini esetshenziselwa ukuqoqa ulwazi kulomkhakha.

Lo mhlangano ungowesibili kweyaloluhlobo ehlelwe yi-ATMRESET kanti futhi ungowokuqala emicimbini yokugubha unyaka wokukhanya kanye nobuchwepheshe bokukhanya.Leli qembu linethemba lokuthi lizokwazi ukuhlela eminye imicimbi efana nalona ngomuso.

‘Umhlangano usizuzise okuningi e-UKZN njengoba bekunabafundi abangama-13 abasemikhakheni ehlukene esikhungweni abebebambe iqhaza,’ u-Venkataraman.

‘Ukuhlela umcimbi ofana nalona kunikeze neqembu le-ATMRESETugqozi olukhulu lokuphokophela ekuhambeni phambili kwezocwaningo nokuqeqesha abakwenzayo, nezinye izinhlelo abanazo eziyingxenye yalo mkhakha,’

Ngokwaleli qembu, loluhlobo lokusebenzisana kwabamazwe ahlukene omhlaba nokuxhumana kwezocwaningo ngomkhathimoya nesimosezulu kubaluleke kakhulu njengoba kunesimo sezinguquko emhlabeni wonke.

Ngu- Christine Cuénod