Kusukela kwesobunxele: Nkz Debbie Heustice; Mnu Senzo Mchunu; Isekela LikaSihlalo Womkhandlu WezeNgculazi Kwazulu –Natali, uMnu Patrick Mdletshe, noDkt Sibongiseni Dlomo.Undunankulu Wesifundazwe sase-KZN Weseka Ibhukumininingwane i-Info4africa yaKwaZulu-Natali
Click here for English version
Amalungu e-info4africa, okuyisizinda esizimele ngaphansi Kwesikole Sezifundo NgeNhlalosintu Elandelwayo, abethamele umhlangano wesibili Womkhandlu Wesifundazwe kwezeNgculazi eHholo ledolobha eMgungundlovu.
Umqondisi we-info4africa uNkz. Debbie Heustice uthe ‘Sinenhlanhla yokunikezwa isikhala ohlwini olude lokuzodingidwa kulo mhlangano ukuze sethule ibhukumininingwane elisha laKwaZulu-Natali uchungechunge lwesi-7 siphinde sinikezele ngekhophi kuNdunankulu waKwaZulu-Natali uMnu. Senzo Mchunu, noNgqongqosheWesifundazwe wezeMpilo uDkt. Sibongiseni Dlomo.’
Ibhukumininingwane liqukethe ulwazi mayelana nezinhlangano ezilusizo ezevile kwizi-12800 nemininingwane yokuthintana nezinhlaka ezibalulekile zikazwelonke nesifundazwe kanye nezinombolo zesizinda sosizo sikazwelonke. Uhlobo lwebhukumininingwane lwe-PDF noma olukagesi luyatholakala ngothumela isicelo ku- media@info4africa.org.za.
UHeustice uqokwe kulo mhlangano njengelungu lobuBhalane bomkhandlu wesifundazwe saKwaZulu-Natali wezeNgculazi. ‘Indima edlalwa umphakathi jikelele kuloMkhandlu wezeNgculazi ibaluleke kakhulu. Ukuba yingxenye yobuBhalane bomkhandlu kusho ukuthi singaxoxisana ngqo neHhovisi likaNdunankulu Wesifundazwe ngezindaba zezempilo, inhlalakahle, ukugwenywa kobumpofu njll. Lapho sizobe simele umphakathi jikelele wesifundazwe,’ usho kanje.
Isizinda sibuye sandisa izinsiza esizihlinzekayo ngokuqala i-app yezingcingo zohlobo we-Android, okuzokwenza ukutholakala kwabahlinzeka ngosizo lwezempilo nolwezenhlalakahle eNingizimu Afrika kube lula. Lolu hlobo lwe-app seluyatholaka kwi-Google Playstore kanti futhi lusiza abalusebenzisayo ukuba babheke abahlinzeka ngosizo lwezempilo noma lwezenhlalakahle abaseduzane nabo ngokusebenzisa ubuchwepheshe be-GPS kumakhal’ekhukhwini wabo noma ngokufaka ikheli labo noma indawo lapho bekhona. Uma sebekutholile abakufunayo, bangacindezela isikhathi eside igama lomhlinzeki ngosizo bese kushayeka inombolo ebhaliwe. Uma kudingeka ukuthi kuyiwe kulabo abanosizo, le-app ikunikeza ibalazwe elilula elizokuholela kubo.
uMelissa Mungroo