USolwazi Ncoza Dlova.Inhloko yeDamatholoji e-UKZN Iklonyeliswe Ngowaphakade
Click here for English version
Inhloko yeDematholoji nowayeyiDini ye-Clinical Medicine, uSolwazi Ncoza Dlova, uklonyeliswe nge-Momentum Health Lifetime Award kwiKwaZulu-Natal Doctors Healthcare Coalition (KZNDHC) Annual Gala Dinner and Awards Ceremony.
I-Momentum Health neKZNDHC bathe lo mklomelo ufakazela ubuholi bukaSolwazi kwezemfundo nezinga lamandla omsebenzi wakhe.
UDlova uthanda ukucwaninga ngesikhumba nezinwele kwabantu bendabuko, ezempilo emhlabeni jikelele nemfundo yezobudokotela, okuyimikhakha angenisile kuyona wavula iminyango.
Umengameli weKZNDHC uSolwazi Morgan Chetty uhalalisele uDlova ngobuholi bakhe obukhuthazayo namagalelo amahle abenawo eSikoleni SezobuDokotela nasemphakathini jikelele.
UDlova osemabhodini amaningi edematholoji asemhlabeni jikelele, okubalwa kuwona i-American Dermatology Association ne-International Society of Dermatology. Ungumuntu wokuqala oMnyama owaqokwa ngokugcwele kwi-International League of Dermatology Societies kusukela yasungulwa eminyakeni engama-89. UDlova, wabangowesifazane oMnyama wokuqala ukubayiDini eminyakeni engama-75 kwasungulwa iSikole SezobuDokotela sase-UKZN, manje useyinhloko woMkhakha weDematholoji njengoba engumcwaningi wezinga B e-National Research Foundation nongoti wesikhumba onamaphepha ocwaningo ukwedlula abanye eNingizimu Afrika nase-Afrika.
Ngonyaka wezi-2022, uDlova waklonyeliswa nge-Excellence Award for University Society Bridging kwathi ngonyaka wezi-2023 waklonyeliswa ngendondo i-Living Legends Award ngenxa yobuholi bakhe obuvelele neqhaza lakhe esizweni.
Ngonyaka wezi-2024, uSolwazi Dlova waklonyeliswa yi-South African Medical Research Council nge-Gold Award ngenxa yeqhaza lakhe ocwaningweni, i-Fellowship in Art and Science Award yi-South African Medical Association ngeqhaza lakhe kwezempilo nocwaningo nesikhundla okuthiwa yi-School of Clinical Medicine Innovator and Leader.
I-Momentum Health ithe iqhaza likaDlova ngelobuholi obunombono, ukucija abanye abantu, ukulwela into akholelwa kuyona nokuzinikela oguqukweni kwisayensi yezempilo.
“Lo msebenzi awugcini nje ngokuveza uhambo lwami kepha futhi umoya wabo bonke abahamba nami,” kusho uDlova. “Wobani labo bantu? Uwena, ngabalingani bami, yiziguli zami, wumndeni wami, ngabafundi bami futhi ngabangicija,” kusho yena.
“Njengoba kuye kushiwo kuthiwe uthisha omuhle uyafundisa, uthisha ongcono uyakhombisa kuthi uthisha onesiphiwo uyakhuthaza. Nami ngikhuthazwe ngabaningi benu lapha, abancane nabadala. Ngifisa ukugcizelela ukuth impumelelo ihambisana nokwehluleka. Nginengikubiza nge-CV yokwehluleka,” kusho yena.
“Kubo bonke abantu abasha nansi indlela engibuka ukuhluleka ngayo: ‘Ukuhluleka wumzamo wokuqala ekufundeni.’ Njalo buza ukuthi ukuhluleka kuzokufundisani, ukuze uma uphinda uhlangana nakho kube wukuthi usungumuntu ongcono.”
UDlova ubonge abaholi bakha nabantu abamcija, phakathi kwabo obekukhona kubona uDkt Aaron Motsoaledi, wahalalisela i-KZNDHC ngomsebenzi wayo wokusabalalisa nokukhuphula izinga lezempilo elingabizi kuzo zonke izakhamuzi okuhambisana nezinjongo zomnotho eziphusile.
Amagama: wuLunga Memela
Isithombe: Sithunyelwe