Ukuqinisa Imfundo YeSayensi: Izigcawu Ze-STEC@UKZN

BY: .

Click here for English version

Ngonyaka wezi-2025, i-Science, Technology, and Education Centre (STEC@UKZN), ngokubambisana noMnyango weMfundo ne-Natal Portland Cement (NPC) bebenze uchungechunge lwezigcawu zokuqeqesha othisha oluyizinsuku ezimbili ebezenzelwe ukweseka othisha be-Natural Science ngamaqhinga amasha, alula nangabizi okufundisa.

Le zigcawu zokuqeqeshwa, ebezenziwe esiFundeni Ugu (e-Port Shepstone), bezigxile ezigabeni ezimqoka zekharikhulamu nezindlela zokwenza izinto othisha abangazisebenzisa kalula uma befundisa abafundi babo.

Umsebenzi wesigaba sonyaka ngasinye ubhekwe kabanzi ngezinto ebezivumela wonke umuntu ukuthi abambe iqhaza. ‘Kwi-Matter and Materials’, othisha basebenze ngamatemu anjenge-matter, isisindo, ukunwebeka nokufinyezeka nomumo wama-athomu.

Baphinde benza ama-experiment okukhona i-thermal decomposition, i-electrolysis nokuhlola i-pH. Ezinye izinto ezenziwa zichaze kabanzi ngemithetho yegesi, umumo wamakhemikhali nama-balancing equation, othisha bazebenza ama-sodium chloride crystal structure besebenzisa ama-marshmallow nezinti zokuvungula.

Esihlokweni esithi ‘Energy and Change’ othisha bacwaninge amandla kagesi, e-gravitation, kazibuthe nawe-electrostatic ngezindlela eziphathekayo zokwenza izinto njengokwenza ibhethri yezithelo nokususa ama-straw ngaphandle kokuwathinta. I-Van de Graaff generator yenze kwabanesasasa kakhulu, kwathi kwezinye izigaba kwabhekwa amatemu kagesi anjengokwenza amasekhethi, ukwenza ama-electromagnet nokuqhathanisa ama-series nama-parallel setup. Kukhonjiswe izindlela zokusebenza kwesayensi kagesi ngokushisa nokwakha izindlela zikagesi welanga.

Ohlangothini ‘i-Earth and Beyond’, othisha babheke ugesi welanga ngokucwaninga amaplanethi, ukulandela umfuziselo wokushayisana kwezinkanyezi nokucwaninga izindlela zoMhlaba. Phakathi kwezinto ezenziwe kubalwa ukwenza amadwala, ukuhlola nokubheka amasampula amadwala ehlukene nokucwaninga izigaba zamadwala. Isigaba esimnandi kubengesokubheka izinto zaseNingizimu Afrika ezimbiwayo, lapho othisha bebheke khona umsebenzi wokumba nowokuhlukanisa.

Uma sekuphethwa, othisha bathole izitifiketi zokuthi bebekhona kanjalo namabhokisi amadwala nezinto zokusebenza zobuchwepheshe ukubalekelela ukuzisebenzisa emakilasini.

Ngalezi zigcawu, i-STEC@UKZN ikwaze ukweseka othisha beNatural Science beBanga le-8 nele-9 ngokubahlinzeka ngezindlela ezilula nezingabizi zokwenza isayensi ibonakale. Ngokuhlanganisa izindlela zokuveza nezocwaningo nengqalasizinda, lolu hlelo lwenze othisha babaneqholo nezindlela zokusebenza ukuze bafundise isayensi ngendlela ephapheme, ukulekelela abafundi bakwazi ukubona ukuxhumana phakathi kwento efundwa encwadini nokusebenza kwezinto.

Ekugcineni injongo bekungukukhuthaza abafundi ukuthi babone isayensi njengento eqondekayo, enomsebenzi nabangayifunda emazingeni aphezulu.

Othisha bancome kakhulu. Uthisha waseZithokozise High School uphawule wathi: “Lesi sigcawu besiyithuba elihle lokungenza ukuthi ngithole ulwazi olujulile nokuqonda izindella ezisebenzayo zokufundisa, amaqhinga enza kubelula ukufundisa into ezwakalayo. Manje sengineqholo elikhulu lokufundisa isihloko esibhekwe kulesi sigcawu.kanti ngibona ukuthi amakilasi ami asezobamnandi kubafundi.”

Umdidiyeli we-Science Centre uDkt Tanja Reinhardt uthe lo mkhankaso ubungeke ubeyimpumelelo ngaphandle kokuxhaswa yi- NPC, uMnu Nyamela (umdidiyeli we-Science Curriculum) noMnyango weMfundo.

Amagama: yiNdabaOnline

Izithombe: Zithunyelwe