USolwazi Somasundram Pillay.Uhlonishwe Phesheya Udokotela Wase-UKZN Ogxile Ezifweni Ezithile
Click here for English version
ISikole sobuDokotela sihalalisela uSolwazi Somasundram Pillay, udokotela ogxile ezifweni Ezithile eVictoria Mxenge Hospital nonguSolwazi we-Internal Medicine eNelson R. Mandela School of Medicine.
Uthole umklomelo i-Outstanding Researcher in Internal Medicine kuma-8th Venus International Healthcare Awards (VIHA 2025) azoba se-Chennai, e-India, ngoZibandlela.
I-Venus International Foundation (VIF) yinhlangano yezifundiswa ehlonishwayo emhlabeni jikelele eklomelisa ukuvelela kwisayensi, ubudokotela, ubunjiniyela nezempilo. Kusukela ngonyaka wezi-2017, ama-VIHA Awards aklomelisa odokotela, abafundisi nabasunguli bezinto ezintsha ababeke ezempilo esicongweni emhlabeni jikelele. Abantu abaklonyeliswayo baqokwa yikomiti elizimele longoti bese ligunyazwa wuMkhandlu oPhethe we-Foundation.
Ukuqokelwa lo mklomelo Kubeka u-Pillay emdibini wabaholi abahlonishwayo bezempilo emhlabeni abazibophezele ekwethembekeni, ekusunguleni izinto ezintsha nokuvelela ebuDokoteleni.
U-Pillay kudala esekhaleni lokushintsha izinto ekwelapheni esifweni sikashukela KwaZulu-Natali naseNingizimu Afrika. Phakathi kweminye imisebenzi yakhe kubalwa elandelayo:
• Ukwethula indawo yokuhlola i-Hemoglobin A1C (HbA1c) ezibhedlela nasemithalampilo kahulumeni;
• Ukusungula izindlela zemikhakha ehlukene zokwelapha isifo sikashukela ezihambisana nendawo ngayinye;
• Wukubambisana ne-World Health Organization (WHO) ocwaningweni lwe-COVID-19.
Ucwaningo lwakhe oluyingqophamlando, olushicilelwe emabhukwini ocwaningo avele emhlabeni jikelele, okubalwa kuwon i-The New England Journal of Medicine, The Lancet ne-South African Medical Journal, lubheka ukuxhumana phakathi kwesifo sikashukela, isandulela-ngculazi, umfutho wegazai ophezulu nezifo ezithathelanayo.
Ngale kweqhaza lakhe ekwelapheni nasocwaningweni, u-Pillay ubeneqhaza elimqoka ekufundiseni ngobukokotela nokucija abantu. Weluleke abantu abaningi ngocwaningo, wahlola abantu abenza iziqu zeMasitazi neZobudokotela, wacaba indlela yekusasa lesaynsi yobudokotela. Ungumhloli e-Colleges of Medicine of South Africa futhi uphosa esivivaneni ekufundiseni ngomsebenzi wokubawumhleli emabhukwini ocwaningo avelele.
Lokhu kuhlonishwa kuka-Pillay kulandela uxhaxha lokuhlonishwa ngemiklomelo evelele okubalwa kuyona i-International Hospital Federation Gold Award (ngowezi-2017), i-Minister of Health Gold Awards ngokwenza izindlela ezintsha ekwelapheni isifo sikashukela nokubawuDokotela woNyaka nokubangumeluleli ngezifo ezithelelanayo eMnyangweni wezeMpilo.
“Ukuthola lo mklomelo esithangamini somhlaba wonke kungenza ngithakase futhi ngikhuthaze,” kusho u-Pillay. “Kufakazela ukubaluleka kokuthuthukisa ukwelapha iziguli lapho zincane izinto zokusebenza khona nokubaluleka komsebenzi wethu emhlabeni lapha eNingizimu Afrika.”
Amagama: wu-MaryAnn Francis
Isithombe: Sithunyelwe