ILek’shara yase-UKZN Libe Ngumhlengikazi Wokuqala Ozoba Usihlalo Ngokubambisana weNgqungquthela yeNhlangano yaBasebenzi Bezempilo Abasebenza nge-HIV

BY: .

Click here for English version

Ingqungquthela yesi-7 ye-Southern African HIV Clinicians Society Conference (kafuphi, i-SAHCS) ibibanjelwe eKapa kulo nyaka, iLek’shara yase-UKZN nengumHlengikazi kanye nomdidiyeli wabenza unyaka wesibili, uDkt Silingene Ngcobo, engumhlengikazi wokuqala oqeqeshiwe ukuba ngusihlalo ngokubambisana emlandweni wale ngqungquthela.

Ingqungquthela edumile eyenziwa minyaka yonke ehlonishwayo ngenxa yobuholi bayo kwezobushoshovu nokuphatha kweze-HIV, i-SAHCS 2025 igxile kulokhu: ‘Ukuqamba Okusha Okuzoba Umthelela: Intuthuko Egxile Kubantu maqondana nesandulela ngculazi’.

Omunye uSihlalo kwakunguDkt Nomathemba Chandiwana ovela kwi-Desmond Tutu Foundation.

Uthe uNgcobo: “Kusukela ngengqungquthela yokuqala ngowezi-2012, sekuhanjwe igxathu elikhulu ekulweni nesandulela ngculazi, i-TB, kanye nezifo ezihambisana nazo. Nokho, uhambo lwethu alugcini lapha, silwela ukuthuthuka.Kule-SAHCS 2025, ukuzinikela kwethu akukaze kungante njengoba sasihlose ukuthuthukisa ukuphathwa kwe-HIV okusekelwe ebufakazini futhi sikhuthaze ukunakekelwa kwe-HIV okuphumelelayo, abahlanganyeli bezempilo ababhekene nezinselelo ezibhekene nokunakekelwa kwe-HIV. eNingizimu Afrika bayaqhubeka nokusekela uhlelo lokwelapha i-HIV olukhulu kunawo wonke emhlabeni ngokuzibophezela okungenakuqhathaniswa.”

UNgcobo uthe okuqukethwe yile ngqungquthela kanye nezinhlelo kubandakanya ukugcizelela kakhulu ukusebenza ezingeni lomphakathi, imibono yabahlengikazi namasu okufundisa. “Izindlela ezigxile kochwepheshe kanye nokumela zihlanganiswe nezinkundla zokucobelelana ngolwazi, imihlangano yezingxongxo ezijulile kanye nezingxoxo ezijwayelekile.

"Ngisize ekuhleleni indlela yamasu engqungquthela, ikakhulukazi mayelana nezobuhlengikazi, imfundo kanye nokunakekelwa kwe-HIV okusekelwe emphakathini; ngaqinisekisa ukumelwa kocwaningo olusebenzayo, olugxile ekusebenzeni ohlelweni, futhi ngakhuthaza izingxoxo ezamukela ukubambisana phakathi kochwepheshe kanye nokumela impilo, okubonisa izindawo zami zobungcweti."

UNgcobo uthe indima yakhe njengomhlengikazi oqeqeshiwe ibalulekile ukuqashelwa ngoba izinhlelo ze-HIV eziholwa ngabahlengikazi zakha insika yokusiza ukunqandwa kwe-HIV eNingizimu Afrika, ikakhulukazi ezindaweni zokunakekelwa kwezempilo kanye nemiphakathi. “Ngokusetshenziswa kweNurse-Initiated and Managed Antiretroviral Therapy (kafuphi, i-NIMART), onesi bahlonyiselwe ukuhlinzeka ngezinsiza ezibanzi, okuhlanganisa ukuhlolelwa igciwane lengculazi, ukuqalwa kwemishanguzo kanye nokuqapha, ukuvimbela ukusuleleka kwengane isuka kumama isuka kumama, nokudidiyelwa kokunakekelwa kwegciwane lengculazi nesifo sofuba.

"Ubufakazi bubonisa ukuthi imiphumela ye-ART eholwa ngabahlengikazi, njengokucindezelwa kwegciwane kanye nokugcinwa ekunakekelweni, ingaqhathaniswa naleyo efinyelelwe ngaphansi kwamamodeli aholwa wodokotela, ngaleyo ndlela andisa kakhulu ukufinyelela ekwelashweni emiphakathini enganakiwe. Naphezu kwezinselelo ezifana nokugcwala kweziguli, izinsiza ezilinganiselwe kanye nokucwaswa okuqhubekayo, lezi zinhlelo ziyisibonelo sokuguqulwa komsebenzi okuphumelelayo, nokuqhubeka nokuqhubekisela phambili ukunakekelwa kwabantu abane-HIV."

UNgcobo uthe ukujabulele ukuvula amasango, akhanyise aphinde ethule nombono womhlangano, izikhathi zokunikezela kanye nokwamukela izithunywa.

Amagama: nguLunga Memela

Isithombe: Sinikeziwe