UBusuku Obuyisimangaliso: I-STEC Igubha Iminyaka Eli-15 Ngombukiso WeSayensi Ovuthayo

BY: .

Click here for English version

I-Science and Technology Education Centre (i-STEC) igubhe iminyaka eli-15 ngombukiso wesayensi ovuthayo ngobusuku bangoLwesithathu, mhlawama-23 kuNtulikazi. Lo mcimbi, obuseNyuvesi yaKwaZulu-Natali (e-UKZN), ubunombukiso ohlanganyelwe owase-UKZN uDkt Tanja Reinhardt (uDkt T) nowase-United Kingdom uSolwazi Stephen Ashworth (eKitchen Science). Izethameli ezimagange ezevile kwikhulu bezithutheleke ngezinkani. Azizange ziphoxeke.

I-STEC, eyasungulwa ngenxa yesidingo sokugcina i-Geology Museum yaseNyuvesi yaseNatali (eyasungulwa ngowama-1950s), yaqala ukusebenza i-Science and Technology Education Centre ne-Geology Education Museum ngonyaka wezi-2010. Namuhla iyisikhungo esiphapheme sokuxhumana kwisayensi esenza izindawo zokukhangisa, imibukiso yesayensi, izinkundla zokucijana, izithangami zokweluleka abafundi ngemisebenzi nokuqeqesha kwezemfunod. Umsebenzi wayo wukutshala uthando lwesayensi nobunjiniyela ebantwini, ikakhulukazi kubafundi abasebancane, futhi ikhangise i-UKZN njengesikhungo esivelele sobungcweti kwisayensi.

Eminyakeni edlule i-STEC ifinyelele ezikoleni ezihlukene zaKwaZulu-Natali, ikakhulukazi emiphakathini entulayo. Ukusebenzisana nezinhlangano ezihlukene kusize i-STEC ukuthi ivale igebe elikhona emfundweni yesayensi esifundeni.

Umbukiso wakulo nyaka ubuthintana, njengoba bekuwumcimbi wokugcina i-Big Science Show Off kaDkt T ngaphambi kokuthatha umhlalaphansi ngoZibandlela. Uxoxe nezethambeli ngezikhathi zokukhumbula izikhathi zakudala, iningi lazo alazi lisebangabafundi abancane ababefika ezinhlelweni ze-STEC. Phakathi kwezivakashi bekukhona abafundisi base-UKZN, abake basebenzisana nalesi sikhungo. Abazithambisanga ngokuzitika ngobumnandi, bazama ukuphephetha amakhandlela ‘angacimeki’, kwathi uDkt T wathatha amehlo ezihlwele ngamancoko ache Nothando lwesayensi.

Ubusuku buphothulwe kamnandi. Izimenywa zizitike ngekhekhe ne-liquid nitrogen ice cream eyenziwe ngaleso sikhathi, kwathi u-Ashworth wakhombisa bukhoma ukuthi yenziwa kanjani. Bekungubusuku obuhle obudidiyele isayensi, inkumbulo nemigubho.

Le ngqophamlando yeminyaka elip-15 ye-STEC ingubufakazi bokuzinikela kwayo okunzulu ekwenzeni isayensi itholakale kalula, ixukuze ugebhezi futhi ibemnandi kuwo wonke umuntu. Nakuba uDkt T evalelisa, amagalelo akhe ayohlale ekhumbuleka ezingqondweni zentsha eningi abeneqhaza ekuyikhuthazeni. Uma kubhekwa ikusasa, i-STEC izoqhubeka nokutshsala uthando nokucija isizukulwane sangomuso sosayensi nabantu abenza izinto ezintsha.

Amagama: yiNdabaOnline

Izithombe: Zithunyelwe