I-STEC@UKZN Ibiyenze I-Physics Research Camp

BY: .

Click here for English version

I-Science Technology Education Centre (STEC@UKZN), esekhempasini ese-Westville yaseNyuvesi yaKwaZulu-Natali, ngokubambisana ne-Eskom Expo noDkt Angela Fösel nethimba lakhe lase-Friedrich Alexander University, e-Erlangen, eJalimane, ibihlele ‘i-Physics Research Camp’ yesibili.

Lo mkhankaso weseka abafundi bamabanga aphezulu abenza imisebenzi ehambisana nesayensi ngokufeza imicabango yabo. Kuqokwe abafundi abayisishiyagalolunye ukuthi babambe iqhaza kwikhempu yezinsuku ezinhlanu, bathola ithuba lokwethula imicabango yezinto abacabanga ukuzenza basebenikwa abantu abazobacathulisa ngocwaningo.

Abafundi beze nemisebenzi ehlukene yezinto ezintsha kule khempu.

UMnuz Shriyaan Sewpersad (ofunda iBanga le-11) umehluko endleleni ugesi ophehlwa ngelanga , egqugquzelwa ukwanda kokuthembela kugesi ophehlwa ngezindlela ezintsha eNingizimu Afrika.

UMnuz Azile Katleho Gambushe (ofunda iBanga 10) wenze uhlaka oluhlukile ukubheka ukuthi ugesi ungaphehleka yini ngokugeleza kwamanzi.

UMnuz Okuhle Mgobhozi (ofunda iBanga 11), egqugquzelwa yi-Star Trek, ngokuhlukana kabili kwi- quantum physics.

UMnuz Khethelo Ntshangase (ofunda iBanga 11) uphakamise indlela yokugcina umoya ongcolile uma kushiswa udoti ukunciphisa izindawo zokugcina udoti nokungcolisa umoya.

UNks Chinazan Ndiomaluke (ofunda iBanga 11) uhlanganise uthando lwakhe lomculo nolwefiziksi ngokubheka ukuhamba kwamaza omsindo ngezindlela ezihlukene uma kusetshenziswa izinsimbi zomculo.

UNks Dominique Nagan (ofunda iBanga 11) ucwaninge ukuhlukanisa ukukhanya ngokuhlola ukukhanya kwansuku zonke kusetshenziswa izisefo ezijwayelekile.

UNks Mihle Sihlahla ubheke ukuthi izindawo ezihlukene ziwathinta kanjani amandla okukhuhlana.

Amawele afunda iBanga 10 uNks Lunathi noNks Luthando Mzindle benze umfuziselo wendlela yokuthola abantu abalahlekile ukulekelela amaPhoyisa aseNingizimu Afrika ukubheka ukuzinikela ukuxazulula izinkinga zangempela zomhlaba ngobuchwepheshe.

Abantu abaningi bafike kwikhempu benokuqonda isayenis kancane noma bengayiqondi. UMgobhozi uvumile ukuthi kuqala wayebona isayensi ingemnandi futhi ebona ososayensi beyizinkomo ezidla zodwa behlale “bevaleleke emagunjini okwenza ucwaningo” Wethuka ngenkathi umuntu omcija ngezifundo ekhuluma ngebhola; kanti lokho kwashintsha indlela abuka izinto ngayo.

Kanjalo noGambushe uxoxe ukuthi wayehlale ecabanga ukuthi ososayensi abalenzi iphutha. Ngokubona besebenza, wabona ukuthi kukuvamile ukwenza amaphutha futhi kuyasiza.

UNks Ndiomaluke uvumelene nalokhu, wathi ikhempu imsizile ukuthi aqonde ukuthi “isayensi iyisineke – okusho ukuphinda uhlole into osuyihlolile, ungavumeli ukwehluleka kukuvimbe ekutheni uthole umphumela owufisayo.”

ULunathi noLuthando babalule ukuthi kukangaki kufanele baphinde ukuxilonga, okuyisifundo sokubekezela. U-Sewpersad uthe izimo zemvelo, ezinjengamazinga ashisayo, zabanomphumela ocwaningweni lwakhe lukagesi ophehlwa ngelanga, kwadingeka ukuthi aphinde kaningi ukuqinisekisa umphumela omuhle. Okukhuthazayo wukuthi bonke abantu akade bebambe iqhaza bazwakalise uthando lokuqhubeka nocwaningo lwabo, abaningi bathi bazophucula noma bathuthukise umsebenzi wabo kuye ngemibono abayitholile.

I-Physics Research Camp ibingesona isigcawu semisebenzi kuphela kodwa futhi ibiwuhambo loguquko. Abafundi bathole ulwazi lokufunda ukwenza umsebenzi, ukuzethemba nokufunda ukuthi isayensi ingokufuna ulwazi nokuphokophela kodwa futhi nangemiphumela.

Sibonga siyanconcoza kubaxhasi bethu i-Friedrich Alexander University, i-Eskom Expo, iNyuvesi yaKwaZulu-Natali ngokuseseka nabahleli oDkt Tanja Reinhardt (odume n gelikaDkt T) noNksz Lexia Naidoo ngokwenza ikhempu yenzeke. Sibonga kakhulu eMnyangweni weFiziksi waseNyuvesi yaKwaZulu-Natali ngokuhlinzeka ngamagumbi okwenza ucwaningo nezinye izinsiza nakuSolwazi Mathew Moodley ngokuhlale eseseseka nangokusikhuthaza.

Le khempu ibingeke ibeyimpumelelo ngaphandle kosizo lwezitshudeni ezicija ezinye oMnuz Varlen Moodley, uNks Whitney Mtolo, uMnuz Stuart Camps, uMnuz Mohammed Khan, uNks Simphiwe Mkhasibe, uNks Sinothando Mndali, uNks Bolelang Tsolo noNks Thembelihle Gumede, ababenamagalelo abonakalayo.

Ngothando olusha nenjongo, laba ososayensi bagoduke begqugquzekile ukuthi baqhubeke baphenye, bahlole, benze nokwenza izinto ezintsha.

Simagange ukwenza i-Physics Research Camp yangonyaka ozayo.

Amagama: yiNdabaOnline

Izithombe: Zithunyelwe