USolwazi Bongani Nkambule.IDini Entsha Sha Igalelekile!
Click here for English version
IDini entsha kwezoCwaningo eKolishi leSayensi Yezempilo (elaziwa kafuphi ngele-CHS), lowo-ke ngumcwaningi nomholi wezemfundo, uSolwazi Professor Bongani Nkambule.
UNkambule, oke wasebenza njengoMholi Wezemfundo Yezocwaningo eSikoleni Se-Laboratory Medicine Nesayensi Yezokwelapha (elaziwa kafuphi njenge-SLMMS), ulethe ingcebo yesipiliyoni sakhe, impumelelo eyingqayizivele yezifundo, kanye nokuhlonishwa umhlaba wonke kulesi sikhundla. Ukuqokwa kwakhe kuphawula isinyathelo esibalulekile ekuthuthukiseni i-ajenda yocwaningo lweKolishi.
UnguDokotela owaziwayo we-Medical Biological Scientist obhaliswe ne-Health Professions Council of South Africa (kafuphi i-HPCSA), uNkambule uneziqu ze-PhD ku-Haematological Pathology. Ucwaningo lwakhe lube negalelo elikhulu emikhakheni ye-immunohematology, platelet function kanye ne-immune thrombosis - ikakhulukazi esimweni sezifo ezithelelanayo kanye nezifo ezingomashayabhuqe.
UNkambule uhlomule indondo ye-Vice-Chancellor’s Research Award ngonyaka wezi-2023, nokuyindondo ehlonishwayo minyaka yonke enikwa umcwaningi ophambili futhi umsebenzi wakhe ozuze lukhulu kwezemfundo nokuletha umthelela kwamanye amazwe. Eminyakeni engaphezudlwana nje kwesishiyagalombili, ubhale izincwadi ezihlaba umxhwele ezibuyekezwe ngama-peer reviewers eziyi-109 futhi wenze amagalelo abaluleke kakhulu, okuhlanganisa nokushicilela ucwaningo olukhulu kunawo wonke kuze kube manje mayelana ne-dyslipidemia kanye ne-platelet function.
Ngesikhathi esese-UKZN, uNkambule waphinde wazigqamisa njengomeluleki oqavile, esengamele ngempumelelo abafundi abaphezulu be-PhD abayisikhombisa nabafundi be-masters abayi-12. Njengamanje wengamele ucwaningo lwabafundi abayi-11 abaqhuba iziqu zabo.
Ubungcweti bakhe buye baqashelwa ngokuthola ama-fellowships ezinga eliphezulu ezinhlaka ezinkulu, okuhlanganisa kuzo i-Developing Research, Innovation, Localization and Leadership in South Africa (DRILL) Fellowship (2016-2021) exhaswe yi-National Institutes of Health, kanye ne-Senior Research Fellowship (2021-2023) e-National Institutes of Health Laboratory of Haemostasis and Platelet Biology kanye ne-Framingham Heart Study yase-United States.
NjengoMphenyi Omkhulu ezinhlelweni eziningi zemikhakha ehlukene, uNkambule usehehe imali engaphezu kwezigi eziyi-R6 wamarandi yoxhaso lwasekhaya. Njengamanje uhola ucwaningo lwamazwe ngamazwe oluxhaswe yi-NIH we-platelet function, olusethelwe ukuba lube yidathasethi enkulu kunazo zonke kwi-population-based dataset mayelana nezici ze-platelet e-Sub-Saharan Africa.
‘Egameni leKolishi Lesayensi Yezempilo, ngidlulisa ukuhalalisela uSolwazi Bongani Nkambule ngokuqokwa kwakhe njengeDini Yezocwaningo,’ kusho iPhini leSekela likaShansela kanye neNhloko ye-CHS - uSolwazi Busisiwe Ncama. ‘Irekhodi lakhe elikhethekile locwaningo, ukuzibophezela ekufundiseni nasekusebenzisaneni namanye amazwe kulethe isithunzi esikhulu eKolishi lethu. Sinesiqiniseko ukuthi ngaphansi kobuholi bakhe, ibhizinisi lokucwaninga laseKolishi lizoqhubeka nokukhula entshisekelweni, ukusungula izinto ezintsha kanye nokugqama kwamagalelo emhlabeni wonke.’
Umbhalo: MaryAnn Francis
Isithombe: Sithunyelwe