I-UKZN Isingathe Ingqungquthela Yokuqala ye-Topology Indaba

BY: .

Click here for English version

I-School of Mathematics, Statistics and Computer Science sibambe iNgqungquthela yokuqala ngqa ye-Topology Indaba (eyaziwa ngele-TIC2025) eSikhungweni Semfundo YezeSayensi Nobuchwepheshe (kafuphi i-STEC) e-UKZN.

Lo mcimbi wezinsuku ezimbili ubuhlanganise izifundiswa nabacwaningi bamazwe ngamazwe nabasekhaya abangaphezu kwama-40 abavela e-Portugal (Universidade de Coimbra) kanye nezikhungo ezahlukene eNingizimu Afrika yonke, okuhlanganisa iNyuvesi yase-Western Cape, ??iNyuvesi yase-North-West, iNyuvesi yaseLimpopo, iNyuvesi yaseKapa, ??iNyuvesi yase-Sol Plaatje, iNyuvesi yase-Witwatersrand, iNyuvesi yase-Stellenbosch, iNyuvesi yase-Rhodes, iNyuvesi yaseZululand, i-UNISA kanye ne-UKZN.

Le ngqungquthela inikeze ochwepheshe inkundla yokuthi babelane ngentuthuko entsha ku-topology kanye nezindawo ezihlobene nayo. Ingqikithi, eqoshwe kahle igama elithi “Indaba”, ikhuthaze umoya wokubambisana nokwabelana ngemibono “emisha” ku-topology phakathi kwabahlanganyeli.

Ongoti bezifundo zezibalo abadumile, okuhlanganisa uSolwazi Jorge Picado (Universidade de Coimbra), Solwazi David Holgate (University of Western Cape), Solwazi Anneliese Schauerte (University of Cape Town), Dr Graham Manuell (Stellenbosch University), Solwazi Inderasan Naidoo (University of South Africa), noDkt Anna Laura Suarez ( Western Cape) bethule inkulumo echaza kabanzi nge-point-free topology, point-set topology kanye ne-categorical topology.

IDini YezoCwaningo eKolishi LezoLimo, UbuNjiniyela kanye neSayensi e-UKZN, uSolwazi Rituparno Goswami, ugcizelele ukubaluleka kwale ngqungquthela, ebalula i “Izibalo ngqo” ‘njengomkhakha wamakhono ayimvelakancane iNyuvesi ezimisele ukuwuqinisa.’

USolwazi Serestina Viriri, oyiDini kanye neNhloko yeSikole seziBalo, iziBalomidanti kanye NeSayensi Yezamakhompyutha (kafuphi i-SMSC) e-UKZN, uvumelane nalo mbono, ethi le ngqungquthela kumele ibe yinto evamile, ebanjwa minyaka yonke noma kabili. Uphinde waqinisekisa ukuzibophezela kwe-UKZN ekwesekeni umcimbi kuze kube ithola amehlo kanye nokuhlonishwa emhlabeni jikelele.

IDini yomkhakha we-Natural Sciences eNyuvesi yase-Western Cape, ??uSolwazi David Holgate uncome lesi sinyathelo wathi ‘kuhle’ ukubona i-UKZN yeseka umbuthano walolu hlobo, lapho izifundiswa zabelana ngezigigaba ezintsha zocwaningo, zithuthukisa imiqondo emidala yezibalo futhi zibambisane emibonweni enentshisekelo efanayo.

Njengamanje u-Picado uvakashele i-SMSC ukuzosebenzisana nomhleli wengqungquthela uDkt Simo Mthethwa ngemibono yocwaningo, futhi uhlela ukuvakashela eNingizimu Afrika njalo, Lokhu kuvele ezwakalisa ukuzibophezela kwakhe ekwesekeni imisebenzi yezibalo e-UKZN.

UMthethwa ubonge ababambe iqhaza, abaxhasi (iSikole seziBalo, iziBalomidanti neSayensi YezamaKhompyutha kanye neKolishi LezLlimo, UbuNjiniyela kanye neSayensi) ithimba lakhe (Dkt Sinenhlanhla Precious Sikhosana, Nks Onesipho Ntombela, Mnu Edward Seodi, noNksz Sbahle Mthethwa) ngokusebenza kwabo ngokuzikhandla nokuzinikela, kanye nethimba le-STEC (uMnu Malusi Masondo, Nksz Simphiwe Mkhasibe kanye no Nksz Thembebelihle Gumede) ngokumeseka.

Ngokuzibophezela okungaguquki kwe-UKZN ekukhuthazeni ukusebenza kahle kwezemfundo, ingqungquthela yokuqala iphawule ingqopha-mlando ekuthuthukiseni ucwaningo lwezibalo kanye nokuqinisa ukubambisana phakathi komphakathi wezemfundo eNingizimu Afrika.

Umbhalo: Nqobile Mthuli

Isithombe: Siphesihle Shezi