USolwazi wase-UKZN Uhlangayele Kumhlangano Wamazwe Omhlaba Owaziwa ngele-Global Conclave on Oral Health Innovation and Research

BY: .

Click here for English version

USolwazi Shenuka Singh ovela kumkhakha we-Dentistry e-UKZN usanda kumenywa njengesithunywa esikhethekile samazwe ngamazwe emhlanganweni owaziwa ngele-Global Conclave on Oral Health Innovation and Research e-New Delhi, e-India.

Umcimbi obuhlelwe yi-Indian Dental Association (IDA), ubuhlanganise izinhlangano zamazwe ngamazwe, abenzi bezinqubomgomo, kanye nochwepheshe bezimboni ukuqhubekisela phambili ukunakekelwa kwezempilo ngomlomo ngokwenza ucwaningo kanye nokusungula amasu amasha.

Izinhlangano ebezihamba phambili kule ngqungquthela zihlanganisa i-World Health Organization (WHO), i-Indian Council of Medical Research (ICMR), i-All India Institute of Medical Sciences (AIIMS), i-Fédération Dentaire Internationale (FDI), kanye ne-International Association of Oral, Dental, and Craniofacial Research.

Izingxoxo zazihlanganise ukusebenzisana emingceleni, ukusebenza ngokubambisana, ukukhathazeka ngezimiso zokuziphatha mayelana nokusebenzisa i-artificial intelligence ocwaningweni kanye nezinselele zoxhaso, ikakhulukazi emazweni izimali zakhona ezilinganiselwa ku-low and middle income.

U-Singh ubambe iqhaza kwisimpoziyamu ye-global consortium kanye nengxoxo yephaneli mayelana nokusebenzisana kocwaningo lwamazwe ngamazwe. Uphinde wethula inkulumo yosuku mayelana ngobuqotho uma wenza ucwaningo kanye nobungcweti, egcizelela isidingo sezinqubomgomo zesikhungo kanye nokwakhiwa kwamakhono kubacwaningi.

‘Lo mcimbi uhlinzeke inkundla ebaluleke kakhulu yokusebenzisana kanye nokuxhumana nabalingani bamazwe ngamazwe, ukubeka isisekelo sokutshalwa kwezimali okukhulu kwi-global oral health,’ kusho uSingh.

Kuyaphawuleka ukuthi i-UKZN iye yahlonishwa ngokusemthethweni njengesikhungo esisebenzisana namazwe omhlaba ezinhlelweni zocwaningo lwesikhathi esizayo ne-IDA.

Umbhalo: Nombuso Dlamini

Isithombe: Sithunyelwe