I-UKZN Yemukele Abafundi Bonyaka Wokuqala Ngezinhlelo Zokufundisa Ezitholakala Kuwo Wonke AmaKolishi

BY: .

Click here for English version

INyuvesi yaKwaZulu-Natali (UKZN) isingathe ngempumelelo uchungechunge lwezinhlelo ezibanzi zokufundisa abafundi bayo abenza unyaka wokuqala (First Time Entry Students [FTEN]) ngowezi-2025 kusukela mhla zi-3 kuya ziyi-14 kuNhlolanja, nokuqinisekisa uguquko olungenazihibe empilweni yasenyuvesi kuwo wonke amakhempasi okubalwa i-Howard, i-Edgewood, eMgungundlovu, kanye nase-Westville.

Ikolishi LezoLuntu: Isiqalo Esijabulisayo Nesifundisayo

I-College of Humanities yenze i-virtual orientation eyethula abafundi ezakhiweni ezibalulekile zemfundo, izinsiza kanye nezinqubo zaseNyuvesi. Ithimba le-First-Year Experience (i-FYE) lidlale indima ebalulekile, linikeza umhlahlandlela mayelana nokuhlelwa kweziqu, ukubhaliswa, kanye nezinhlelo zokusekela abafundi. Amaseshini afana nokuthi kubaluleke ngani loku okubizwa ngo-“Stay on Green” nahlomise abafundi ngolwazi olubalulekile mayelana nezinqubomgomo zokuqapha zezemfundo, ezibasiza ukuthi bahambe unyaka wabo wokuqala ngokuzethemba.

Ukwengeza isasasa, iKolishi lethule inselelo yemibuzo evivinya ulwazi lwabafundi nge-College of Humanities. Njengoba bekunemiklomelo ekhangayo ebizotholwa, umncintiswano ukhuthaze abafundi bebanga lonyaka wokuqala ukuthi bazibandakanye nolwazi olubalulekile ngesikhathi bejabulela ukuncintisana okumnandi.

Amazwi Akhuthazayo avela kuSolwazi Ncama

USolwazi Busisiwe Ncama, obambe isikhundla se-Deputy Vice-Chancellor kanye neNhloko ye-College of Health Sciences, wamukele ngemfudumalo ithimba elisha labafundi emcimbini wabo odidiyele ezemfundo kanye nokufundisa.

Uzwakalise ukuzigqaja kwakhe, ethi: ‘Kuyinjabulo enkulu ukuthi ngimi phambi kwenu namuhla. Nina, niyisivuno esihle, nikwaze ukuthola indawo yokufunda kulesi sikhungo ngokusebenza kanzima, ukuzinikela, kanye nokwenza kahle emiphumeleni yenu kwibanga le-12. Niyizinkanyezi ezikhazimulayo, futhi sijabule kakhulu ngokuba niqale lolu hambo lokuba ngochwepheshe bezempilo kanye nathi.’

Egqamisa ubunzima bokuthola isikhala sokufunda, uSolwazi Ncama udalule ukuthi i-College of Health Sciences ithole izicelo ezingama-108 979 kwizikhala eziyi-1 114 zonyaka wokuqala kuphela, egcizelela izinga elimangalisayo lalabafundi abathole izikhala zabo.

IKolishi Lezolimo, Ubunjiniyela, Nesayensi: Ushinstho Olungenazithiyo

Ikolishi Lezolimo, Ubunjiniyela, Nesayensi lihlinzeke ngohlelo oluqinile lokufundisa, olusekelwa i-website ezinikele ngokufundisa kanye nokuhlinzeka ama-Mentors e-FYE agcina ukuxhumana okuqhubekayo nabafundi abababelwe kubo.

Kusukela mhla zi-3 kuya kumhla ziyisi-6 kuNhlolanja, izikhathi ze-Q&A zansuku zonke ze-inthanethi olwenziwe ngolwimu lwesiNgisi kanye nesiZulu, zethula abafundi ngezinsiza zasenyuvesi kanye nokuzijwayeza kwezemfundo. Lapho i- campus access iqale kusukela mhla ziyi-10 kuye ku-14 kuNhlolanja, izizinza zolwazi kanye nokuvakasha kuma-campus kusize abafundi ukuba bazijwayeze ngendawo yabo entsha.

Izikhulu ze- Academic Development Officers (ama-ADO) kanye nama-Mentors bavakashele amakilasi ukuze bethule uhlelo lwe-FYE oluyimpoqo, olunamamojuli amane abafundi okufanele bawenze bawaqede kwi-internet ekupheleni konyaka. Ukuhlelwa kuphothulwe ngemicimbi ye-Meet and Greet events kumakhempasi aseMgungundlovu, e-Westville, nase-Howard College, okuvumela abafundi ukuthi baxhumane nabasebenzi baseKolishi, amakilabhu kanye nezinhlangano ezihambisana nabo nokulekelela ekwakheni impilo efudumele eNyuvesi.

IKolishi LezoMthetho Kanye Nezifundo Zokuphatha: Ukwakha Ukuxhumana

I-College of Law and Management Studies, ngokubambisana noPhiko lwe-Teaching and Learning Unit kanye ne-Public Relations Office, lethule uhlelo oluyingxenye ezimbili kuma-FTEN alo. Iseshini ebikade ibanjelwe kwi-internet yenze abafundi bajwayelane nezinhlelo zasenyuvesi, yanikeza ukwesekwa kwe-ICT ukuze babhalise, futhi yanikezela nangomhlahlandlela kwezemfundo.

USolwazi Bruce Rhodes, Ibamba likaDini wezokufunda kanye nokufundisa, ukhuthaze abafundi ukuthi babhalansise ekuphumeleleni kwezemfundo kanye nokukhula komuntu siqu. ‘Inyuvesi ingaphezu nje kwezifundiswa; imayelana nokwakha izinkundla zokuxhumana ezikwesekayo ezinomthelela omuhle ekuzitholeni kwakho nasekuthuthukeni njengomuntu,’ eqhubeka nokuphawula.

Umcimbi wokuhlangana mathupha ubonise imisebenzi yokwakha ubudlelwano nesiza abafundi ukuthi baxhumane nabeluleki babo kanye nontanga, okwenza kube lula ukungena kalula empilweni yasenyuvesi.

Umbhalo: NdabaOnline

Isithombe: Andile Ndlovu, Nkosi Gcabashe nesithunyelwe