I-UKZN Ihlomule nge- KZN Engineering Industry Endowment

BY: .

Click here for English version

Emzamweni yokusebenza ngokubambisana nokuqhubekisela phambili imfundo yobunjiniyela kanye nokusungula izinto ezintsha, iNyuvesi ya-KwaZulu-Natali (UKZN) kanye nezi nkampani ezingaphansi kwe-KwaZulu-Natal ze-Metair Investments Ltd, okubalwa kuzo i-Smiths Manufacturing (Pty) Ltd, Hesto Harnesses (Pty) Ltd, Automould kanye ne-Unitrade. I-745 (Pty) Ltd, isungule i-KZN Engineering Industry Endowment.

Umnikelo wokuqala ka-R250 000 ovela kwa-Metair Investments Ltd oye kwi-UKZN Foundation kuwukuzibophezela ukukhulisa ithalente kanye nokuthuthukisa amathuba emfundo emkhakheni wobunjiniyela kulo lonke elaKwaZulu-Natal.

Isipho siphinde sikhuthaze ukuba sezingeni eliphezulu kwezemfundo yobunjiniyela. Ngokudlulisela izinsiza kwi-School of Engineering e-UKZN, lesi sipho sihlose ukuqinisa ingqalasizinda yezemfundo nezinhlelo, ngenhloso yokuthi abafundi baphumelele ngamalengiso emikhakheni eyahlukene efana ne-Mechanical, Chemical, Electronic, Computer, Mechatronic Engineering kanye ne- Electrical engineering.

Ubambiswano phakathi kwe-UKZN kanye ne-Metair Investments Ltd ludlula ubambiswano lwe zezimali; lumele umfelandawonye wamasu okuhloswe ngawo ukunika amandla isizukulwane esilandelayo sonjiniyela. Ngezinhlelo zokusebenzisana, abafundi bazothola ulwazi olubalulekile oluphathelene nokwenziwa umengabe sebesebenza, akungamakhono okuxazulula izinkinga ngokomsebenzi futhi bethuthukisa ezobuchwepheshe.

Isikhulu se-Metair Investments Ltd, uMnu Paul O’Flaherty, sithe, ‘i-Metair Investments Ltd, kanye nezinkampani ezingaphansi kwayo, babonga kakhulu ubudlelwano obuhle bayo ne-Faculty of Mechanical Engineering e-UKZN futhi ikakhulukazi, uSolwazi Professor Glen Snedden nethimba lakhe. Siyababonga abafundi abakhetha ukuqhuba umsebenzi wabo wamaholide kunoma iyiphi enye yalezi zinkampani ezine ezishiwo. Abafundi abenza kahle baphinde baqashwe ngokuphelele, ngemuva kokuthweswa iziqu. Sibheke ngabomvu ukukhulisa ubuhlobo bethu.’

 USnedden wanezela wathi, ‘Ngibonga kakhulu kuMnuz Selvin Konar nethimba lakhe e-Smiths Manufacturing (Pty) Ltd kanye ne-Metair Group Ltd ngokuzibophezela kwabo e-UKZN nakubafundi bethu bezobuNjiniyela. Bazibonakalise njengabalingani abazinikele emizamweni yethu yokuthuthukisa imfundo ephelele etholwa yilaba bafundi, ekilasini, elabhorethri kanye nasemsebenzini. Ngokwakhiwa kwalesi sipho kanye nokumema ezinye izinkampani ezinentshisekelo ukuthi zijoyine, ngiyethemba ukuthi ngokubambisana, i-UKZN nezimboni zasekhaya zingaqhubeka nokuthuthuka emazingeni aphezulu emfundo etholwe e-UKZN. Lokhu futhi kuqinisekisa ukuthi le mfundo ihlala isezingeni lomhlaba futhi ivumela ukukhula kwezimboni kanye nokugcinwa kwamakhono adingekayo kokubili ezweni lethu.’

Okubalulekile empumelelweni yesipho ubuphathi obuqinile kanye nokuhola. Ibhodi eliqokiwe elihlanganisa abaholi bezemfundo, abamele imboni, nababambiqhaza ababalulekile lizokwengamela ukwabiwa kwezimali futhi liqinisekise ukuba sobala nokuziphendulela ezinqubweni zokuthatha izinqumo. Le ndlela ebandakanyayo ikhuthaza ukusebenzisana phakathi kwezemfundo nezimboni, ivula indlela yokukhula okusimeme kanye nokusungula izinto ezintsha.

Ukungafihli lutho kubaluleke kakhulu ekuqinisekiseni ukusebenza kahle kanye nokuba nomthelela. Imibiko yonyaka enemininingwane yokusetshenziswa kwesikhwama kanye nemiphumela izokwabelwa bonke ababambiqhaza, inikeze imininingwane ngezinzuzo ezibonakalayo ezitholakala emalini yabo. Lokhu kuzibophezela ekwenzeni izinto obala kukhuthaza ukwethembana nokuzethemba, kwakha isisekelo sokusekelwa okuqhubekayo nokusebenzisana.

Njengabaphathi bekusasa, i-UKZN kanye ne-Metair Investments Ltd bazibophezele ekuqinisekiseni ifa elihlala njalo lesiphiwo. Kunezinhlinzeko zokuvikela ukusimama kwayo, nokuqinisekisa ukuthi izizukulwane ezizayo zonjiniyela ziyaqhubeka nokuhlomula emathubeni emfundo athuthukisiwe Kanye nezinsiza ezanele.

Abalingani bemboni kanye nomphakathi bayakhuthazwa ukuthi bafake isandla kwi-KZN Engineering Industry Endowment. Ukuze unikele, thumela i-imeyili email.

Umbhalo: Melissa Mungroo

Isithombe: Sithunyelwe