Iphaneli yohlelo lwe-PhD Intern.I-MoU NoMnyuziyamu i-eNcome/Msunduzi
Click here for English version
Isikole seSayensi yezenhlalakahle kumnyango we-Anthropology e-UKZN sisanda kusayina i-Memorandum of Understanding (MoU) ibambisene ne-eNcome/Msunduzi Museum.
IMnyuziyamu kanye neSikole Sesayensi Yezenhlalakahle (Anthropology) bakha ukubambisana kocwaningo ukuze banikeze ulwazi locwaningo kubafundi bezifundo zebanga le-Masters, ubuDokotela, kanye nabafundi be-post-doctoral, nokuzosiza uMnyuziyamu ekugxileni kokubalulekile.
Inhloso yeMnyuziyamu ukuvumelanisa imizamo kanye nezinhlelo zayo kuhambisane nezinjongo zemfundo ezijwayelekile zazo zombili izinhlangothi kanye nalezo ezihlobene nokudala kanye nokusabalalisa ulwazi. Ngakho-ke, ukuze kube lula ukubamba iqhaza kwabo ezinhlelweni ezithile ezihambisana nezintshisekelo zabo zocwaningo, lokhu kumema abathweswe iziqu ukuba babhalise ku-database seMnyuziyamu.
Lokhu kubambisana kunikeza ithuba lokuhlanganisa amava ahlukahlukene ahlelelwe ukusiza abafundi abaqhuba iziqu nababhekiswe ekunqumeni imikhakha yobungcweti abangase bayithande ngenkathi kusungulwa futhi kuqiniswa ubudlelwano phakathi kweMnyuziyamu nomphakathi wezemfundo ukuze kuqinisekiswe ubudlelwano obuqinisanayo phakathi kwekharikhulamu yeNyuvesi kanye nomhlaba wokukusebenza kwansukuzonke.
OyiLek’shara ye-Anthropology, uDkt Balungile Zondi, ukucacisile ukuthi ukuze abafundi kanye nabafundi abaqhuba iziqu bafaneleke ukucatshangelwa amaphrojekthi asuselwe kuhlelo lwe-Museum kanye nezinjongo zokusebenza konyaka, kufanele babhalise noma baphothule izifundo ze-Anthropology e-UKZN. ‘ISikole Sesayensi Yezenhlalakahle kumnyango we-Anthropology e-UKZN uzohlonza futhi uncome abantu abafaneleke ukufaka izicelo eMnyuziyamu ukuze bacutshungulwe. Ikomiti elizohlonza lizoba nabamele izinhlangothi zombili,’ kusho yena.
Wengeze ngokuthi i-MoU ibungaza ukuqashwa kukaNkz Hloniphile Ndlovu, owenza unyaka wesibili weziqu ze-PhD ku-Anthropology (ngaphansi kokuqondisa kukaZondi).
‘UNksz Ndlovu unenkontileka yokusebenza njenge-PhD intern kanti uzohola ngendlela efanele ngesikhathi senkontileka yakhe. Lokhu kuyinkomba yokuthi i-UKZN iyingxenye yomphakathi obanzi futhi ikhona ukuze kuqinisekiswe ukuthi abafundi bayaqasheka,’ engeza.
Umbhalo: Sinoyolo Mahlasela
Isithombe: Sithunyelwe