USolwazi ngokuhlonishwa u-George Devenish (kwesobunxele) noDkt Annie Singh.Uqhakambise Imithetho Ephasisiwe Yashicilelwa Phansi
Click here for English version
USolwazi ngokuhlonishwa e-UKZN uGeorge Devenish wenze omunye umnikelo obalulekile kwezemfundo zezomthetho. Kulandela umsebenzi wakhe owaba nomthelele, osihloko sithi; Interpretation of Statutes owashicilelwa ngowezi-1992, kanti manje usephothule i-Devenish on Interpretation: Statutory Interpretation.
Ishicilelwe abakwaJuta, ingeyokuqala yeqoqo lesibili lezincwadi ezingene zagxila engxoxweni ebalulekile yezindlela eziqotho zokubeka izizathu ezizwakalayo zomthetho okubandakanya ukuhunyushwa komthetho kanye noMthethosisekelo waseNingizimu Afrika. Ibuye ihlole ukubaluleka kokucacisa inkulumo yezomthetho kanye nomthelela wokuhumusha umthetho, kuhambisana nokunye okuhambisana nawo okungaphezulu kwalokho okusuke kukumele.
Le ncwadi, esivele isithole ukubuyekezwa okuhambisana nayo, iyinsiza ebalulekile kubameli nabasebenza ngomthetho eNingizimu Afrika. U-Devenish uzwakalise ukubonga kwakhe kuDkt Annie Singh, ongungcweti kwezokuhunyushwa komthetho kanye nesifundiswa esinesikhundla esiphezulu eSikoleni sezoMthetho ngemibono yakhe kanye nocwaningo.
USingh uchaze lo msebenzi njengesethulo esiyisibonelo sesifundo esihambisana nesikhathi kanye nensiza equkethe konke ngokuhunyushwa kwemithetho.
‘Njengoba iNingizimu Afrika iqale uhambo lwesahluko esisha emlandweni, futhi sibheka ukuthi uhulumeni wokubambisana, i-Government of National Unity (GNU) usho ukuthini ngathi, incwadi inika umbono omusha kanye nokuthi kube nohlelo lokubeka izinto njengoba zinjalo ekuhunyushweni komthetho uma kubheka isiqalo esisha somthethisisekelo wentando yabantu.
Uqhakambise ukuthi indlela umthetho ohunyushwa ngayo ibalulekile ukuzuza ubulungiswa emphakathini eNingizimu Afrika kanye nokuthi ukubaluleka kokuhunyuswa komthetho ophasisiwe washicilelwa angeke kwabukelwa phansi.
‘Le yimpumelelo emangalisayo emkhakheni onganakiwe wokuhunyushwa komthetho,’ kusho uSingh.
Amakhophi encwadi i-Devenish on Interpretation: Volume 1 Statutory Interpretation, ayatholakala kwaJuta, Sherwood Books kanye naseVan Schaik Bookstore.
Amagama: Samukelisiwe Cele
Izithombe: Zithunyelwe