I-UKZN Kanye Nesigcinamagugu saseMsunduzi Babambisene Ukwenza Ngcono i-Afrika

BY: .

Click here for English version

Ukugubha usuku lwe-Afrika, isigcinamagugu iMsunduzi Voortrekker Museum kanye neKolishi lezesiNtu e-UKZN bahlanganyele ndawonye ukulekelela ukuletha "ukuchuma okukhulu kwezwekazi lase-Afrika" ngaphansi kwendikimba; Ukuhlanganyela Ndawonye ngokweHlukana Ukwenza Ngcono i-Afrika.

Lo mcimbi ubunezethulo ezehlukene ezifundisayo, kwalandela ezokungcebelaka ezijabulisayo ebezenziwa yiJohannesburg Child Welfare Unlimited Production Theatre kanye neqembu lendlamu i-Uzalo Traditional Group.

Isethulo sokuvula, besinesihloko esithi: From the Organisation of African Unity to the African Union: Challenges and Opportunity (Kusuka eNhlanganweni Yobumbano lwase-Afrika kuya eNhlanganweni Yamazwe ase-Afrika: Izingqinamba kanye namaThuba) besethulwa ngu Mnu Fenzi Ngwamba ongumdidiyeli wohlelo oluvuleleke kuwonke wonke kanye nowezokuxhumana nomphakathi (Access Programme and Community Liaison) eKolishi lezesiNtu. ‘Sibungaza Usuku lwe-Afrika eminyakeni engama-60 emuva kokuthi ubuholi babantu bethu behlanganyela ndawonye e-Addis Ababa mhla zingama-25 kuNhlaba we-1963, emcimbini wokwethula inhlangano i-Organisation de l’unité africaine - inhlangano yoBumbano lwaMazwe ase-Afrika, Organisation of African Unity i-OAU eyandulela Inhlangano yaMazwe ase-Afrika, i-Afrika Union.

Abafundi abaqhamuka emazweni angaphandle abafunda e-UKZN babambe iqhaza noMnu Abdul Rashid Issahaku waseGhana bekhuluma ngokuthi kusho ukuthini ukuba ngumuntu wase-Afrika kuye: ‘Ngiyakholwa ukuthi ukuba ngumAfrika kuyadlula ebaleni lesikhumba, kanti kuwu kwamukela wonke umuntu owamukela leli zwekazi njengekhaya.’ Uthe imizamo yokuthi kubanjiswane iyadingeka kubaholi base-Afrika ukukhuluma ngezingqinamba ezifanayo esibhekene nazo.

Abafundi abaqhamuka kwamanye amazwe bakhonjiswe isigcinamagugu iMsunduzi Museum eMgungundlovu, lapho kukhonjiswa futhi kuchazwe ngomlando wamasiko abantu abehlukene KwaZulu-Natali.

Ngesikhathi ebuzwa ngokukhethwa kwabafundi base-UKZN abaqhamuka kwamanye amazwe kulo mcimbi, uMnu Njabulo Mpungose, oyiNhloko yoMnyango wezeMfundo kanye nezokuFinyelela kubantu eMsunduzi Museum, uthe bakhulume ngenqubekelaphambili eyenziwe yi-Afrika ngemuva kokubusa kobukoloni ngesikhathi becabanga ngezinselelo ezifanayo izwekazi elibhekene nazo. endaweni yomhlaba wonke, ikakhulukazi emazweni abadabuka kuwo. Ukubamema kwakuhloswe ‘ukuthuthukisa ubumbano, ukuthula, ukubumbana komphakathi, nokwakhiwa kwesizwe nokubafundisa ukuthi nakuba sihlukile, sonke singabantu futhi singama-Afrika.

Umbhalo: Ntombizethu Gcaba

Isithombe: Nkosikhona Gcabashe