Abacwaningi base-UKZN Bahlonzwe Njengabafike Kowamanqamu Emklomelweni Wesayensi i “Science Oscars”

BY: .

Click here for English version

Izifundiswa ezine zase-UKZN zeKolishi lezoLimo, ubuNjiniyela kanye neSayensi bamenyezelwe njengabafinyelele kowamanqamu wemiklomelo kazwelonke yeSayensi kanye neZobuchwepheshe kowezi-2022 - 2023, iNational Science and Technology Forum (NSTF)-South32 Awards.

BangoSolwazi Onisimo Mutanga, Solwazi Andrew Green, Solwazi Jeff Smithers kanye noSolwazi Francesco Petruccione.

Imiklomelo yasungulwa ngowe-1998, imiklomelo iNSTF - South32 - edume ngele-South Oscars of South Africa - ihlonipha ababe nomnikelo oncomekayo kwezeSayensi, ubuNjiniyela kanye nezoBuchwepheshe (SET) kanye nokuqanjwa kwezinto Zabacwaningi kanye nezinye izifundiswa ngaphansi komkhakha weSET eNingizimu Afrika.

Ukuqokwa njengabafike kowamanqamu kuthathwa njengokuzuza okukhulu uma kubhekwa ukukhula kwezinga lemiklomelo, izinga labaqokiwe kanye nokuncintisana abaqokiwe abahlangabezana nakho.

Oqokiwe emikhakheni emibili weLifetime Award kanye nowokucwaninga ngokuthuthukiswa kobunjiniyela i-Engineering Research Capacity Development - uMutanga - uSolwazi wohlelo lokuthola ulwazi ngento ngaphandle kokuthintana nayo iRemote Sensing e-UKZN kanye noSihlalo woMnyango wezeSayensi kanye nokuSungulwa, iDepartment of Science and Innovation (DSI)/ Inhlangano kazwelonke yokuCwaninga, iNational Research Foundation (NRF) nokuCwaninga eNingizimu Afrika, iSouth African Research ekuhlelweni kanye nasekuthalweni kokusetshenziswa komhlaba - uyingcweti ekucwaningeni ubunjalo bezitshalo (kubalwa imbewu yezolimo) ebheka ukushintsha komhlaba esebenzisa uhlelo lwe-remote sensing. Uhlanganisa imvelo (ecology), uhlelo lokuvikela imvelo (biodiversity conservation) kanye nohlelo lokuqapha ubunjalo bendawo (remote sensing) ukwenza umzekelo womthelela wokulahleka kwamahlathi kanye nokuhlukanisa asele iziqeshana ezincane (forest fragmentation), izinambuzane kanye nezifo kanye nezitshalo ezingadingeki ebukhoneni bezolimo kanye nemvelo. 

UPetruccione unguMqondisi obambile esiKhungweni sikazwelonke sokuFundwayo kanye neSayensi yamaKhompyutha, iNational Institute for Theoretical and Computational Sciences (NITheCS), ophethe esikaSihlalo wohlelo lwaseNingizimu Afrika Losihlalo lokucwaninga iDSI/NRF South African Research Chairs Initiative (SARChI) ohlelweni lokugcina nokudlulisa ulwazi kanye nokuxhumana iQuantum Information Processing and Communication kanye noSolwazi Osebenza Isikhathi Esithile (Fractional Professor) eSikoleni seSayensi ephathelene nemithi yemvelo (Chemistry) kanye neSayensi yeMvelo (Physics). Ucwaningo likaPetruccione lugxile kwi-open quantum systems, quantum information processing kanye nezokuxhumana, quantum machine learning kanye nequantum biology.

USmithers - UMqondisi weSikhungo Sokucwaningwa kweZinsiza Zamanzi e-UKZN, iCentre for Water Resources Research (CWRR) omenyezelwe njengongene kowamanqamu emklomelweni wokucwaninga ngamanzi iNSTF Water Research Commission Award - ubuye abe nguSihlalo woMngeni Water ekuPhathweni Kwezinsiza Zamanzi, Ukusungula kanye nokuCwaninga eSikoleni Sobunjiniyela e-UKZN. Izindikimba zoCwaningo eSikhungweni zifaka phakathi izifundo zohlelo lwe-hydroligics, ukusungulwa komhlamhlandlela wayo, ukuphathwa kwamanzi ezolimo, ukucwaninga ngomhlaba kanye namanzi, kanye nokuklama n modelling (translate). ICWRR ibuye ibe yikhaya leSikole saseMngeni sokuPhathwa kwaManzi, uMngeni School of Water Governance.

USolwazi Andrew Green, onguSolwazi wesayensi yamatshe asolwandle iMarine Geology eSikoleni seZolimo, uMhlaba kanye neSayensi yezeMvelo e-UKZN, usesigabeni sabafinyelele kwesamanqamu emiklomelweni emibili, umklomelo womcwaningi iTW Kambule-NSTF Researcher Award kanye nomklomelo okhethekile wendikimba waminyaka yonke iSpecial Annual Theme Award, kulo nyaka ezoklonyeliswa obe negalelo elincomekayo kwisayensi yasolwandle ekuthuthukiseni okuqhubekayo. Ucwaningo lukaGreen lugxile emkhakheni wokufunda ngesayensi yomhlaba wasolwandle imarine geophysics, ukucwaningwa kokungaphezu komhlaba, igeomorphology, ukucwaningwa komhlabathi kanye nobumba, isedimentology kanye nokucwaningwa kwezigaba zongwengwezi lwamatshe ezindaweni ezisogwini kanye nasolwandle, istratigraphy of coastal and marine environments.

Isikhungo semiklomelo iSouth32 siyingxenye yombono we-NSTF wokusebenza ubheke ekushintsheni izwe lapho iSET kanye nokusungula kunomthelela ezingeni eliphezulu lempilo yabo bonke abaseNingizimu Afrika, kanye nalapho umlando wezifundiswa zakwaSET umele abantu futhi nalapho uhlelo lwezemfundo, ikakhulukazi lweSET kanye nokusungula, lusebenza kahle.

Abanqobile bazomenyezelwa mhla zingama-31 kuNtulikazi, emcimbini wesidlo sakusihlwa ozoba eKapa (Cape Town) naseGoli (Johannesburg).

Umbhalo: Sally Frost

Izithombe: Zithunyelwe