Oyi-Clinical Sociologist yase-UKZN Uqokwe kwiKhomishana Yokugunyazwa Kwezinhlelo ze-Applied and Clinical Sociology

BY: .

Click here for English version

UDokotela Wezenhlalakahle Esikoleni Sesayensi Yezenhlalakahle, uSolwazi Mariam Seedat-Khan, uqokwe njengelungu lebhodi leKhomishini ehlonishwayo yokugunyazwa kwezinhlelo ze-Applied and Clinical Sociology (CAPACS).

Le Khomishana ihlose ukuthuthukisa, iphinde ikhuthaze, kanye nokweseka imfundo esezingeni eliphezulu emkhakheni wezenhlalo ngokwenza ukugunyazwa kwezinhlelo zeziqu ze-bachelor's, i-master's kanye neziqu zobudokotela ekusebenzeni kwalomkhakha, lezi zinhlelo zifaka phakathi iziqu ze-applied sociology, clinical sociology, engaged public sociology, translational sociology, and forensic sociology.

U-Seedat-Khan uzosebenza kule Khomishini iminyaka emithathu. Uphawule wathi, ‘Njengomunye wabesifazane wase-Afrika kanye nomunye wezazi zezempilo nezokuhlalisana kwabantu ezintathu ezigunyazwe yibhodi, lokhu kuqokwa kwenziwe kwalula ngabesifazane abadala abavula indlela, bayihamba ngobuqotho yize babengaphansi kwengcindezelo eyedlulele. Kuyangimangalisa ukuthola ukuhlonishwa engikuthole kontanga bami kanye nezazi ezingabaholi emhlabeni wonke. Ikolishi lezifundo zoLuntu lisesimweni esihle sokuqhubekisela phambili i-Clinical Sociology futhi liphinde lithuthukise i-intellectual Project. Angikusho-nje ngingakungabazi ukuthi i-UKZN isendleleni yokusungula iziqu ze-Clinical and Applied Sociology Programmes ezingeni le-master's kanye nasezingeni lobudokotela.’

U-Seedat-Khan uyi-Clinical Sociologist okusebenza kwayo kugunyazwe ukuba nelayisensi yebhodi lamazwe ngamazwe awo lo mkhakha kanye nesazi esingumcwaningi o-NRF rated. Ufunde eNyuvesi yase-York esezweni lase-Canada kanye neyayibizwa nge-University of Natal (manje eyaziwa nge-UKZN). Uke wasebenza e-University of Witwatersrand (Wits) nase-University of Johannesburg (UJ). Umkhakha wakhe wobungcweti ubhekene kakhulu nezinselelo zokufunda kanye nokufundisa ezingaphandle nangaphakathi.

U-Seedat-Khan ungumsunguli kanye nelunga le-Simply Managing Academic Related Tasks (SMART). UnguSolwazi ovakashile eNyuvesi yase-Taylor, e-Subang Jaya, yase-Selangor, ezweni lase-Malaysia. Uphinde abe yiPhini likaMengameli we-Association for Applied and Clinical Sociology futhi uyilungu lebhodi le-International Sociological Association RC46, Clinical Sociology. Izincwadi zakhe ezimbili ezilandelayo zikubashicileli be-Routledge ne-Frontpage egxile kakhulu kwabesifazane, i-COVID-19 kanye nama-Clinical Interventions.

Amagama: ngu-Melissa Mungroo

Isithombe: Sithunyelwe