Izifundiswa Zasemkhakheni Wakwa-Humanities Zishicilele Incwadi i-The Oxford Handbook of the Sociology of Africa

BY: .

Click here for English version

USolwazi Radhamany Sooryamoorthy ovela eSikoleni SeSayensi Yezenhlalo yomphakathi, kanye noSolwazi Ernest Khalema, oyiDini kanye neNhloko yeSikole Sezifundokuhlelwa Komumo Wezakhiwo Nentuthuko, kamuva nje babhale baphinda bahlela i-timely volume esihloko esithi: The Oxford Handbook of the Sociology of Africa, neshicilelwe abakwa-Oxford University Press, New York.

‘Le volumu iqhamuke njengoba kunegebe lencwadi ekhuluma ngesayensi yezenhlalo yabantu base-Afrika (sociology of Africa) engahlanganisa uchungechunge lwezigaba ngezifundo zezenhlalo yabantu ezihambisana nocwaningo lwemiphakathi yase-Afrika. Ayikho incwadi ekhuluma ngesayensi yezokuhlalisana kwabantu base-Afrika ehlanganisa imikhakha ehlukene ebalulekile yesayensi yezokuhlalisana kwabantu ebhalwe ngomqondo wangemuva kwencindezi ye-colonisation etholakalayo okwamanje emakethe.

'Izincwadi ezishicilelwe ezikhuluma ngenhlalo yabantu kwamanye amazwe zikhona ezwenikazi, nokungenele kahle ukukwazi ukuthuthukisa isayensi yezokuhlalisana kwabantu base-Afrika noma ukuthola ukuqonda okungcono ngenhlalo yabantu nangemiphakathi yase-Afrika,’ kuchaza u-Sooryamoorthy.

‘Le volumu iqukethe inhlanganisela yemisebenzi yoSosayensi bezenhlalakahle abanegalelo elikhulu ekuthuthukisweni kwenhlalakahle yabantu base-Afrika okokuqala ngqa. Ivolumu ihlanganisa imibono yezenhlalo eyenziwa yizazi zakweminye imikhakha futhi ithonywe ukucabanga okujulile ngezenhlalo ezwenikazi lethu kanye ne-diaspora yayo emhlabeni jikelele ekuqondeni imiphakathi yase-Afrika. Le volumu ibalulekile e-Afrika kanye nakwi-Sociology njengomkhakha ngokuthi kwethulwe izinkulumompikiswano, imibono, kanye nezindlela zocwaningo lwemiphakathi yase-Afrika ezindaweni ezinkulu,’ kusho uKhalema.

Le Handbook ihlanganisa uchungechunge lwemibono ngezifundo nemikhakha eyahlukene kodwa ezithinta inhlalo yabantu, izingxoxo zimayelana nendlela engcono kakhulu yokuxazulula ama-sociological imaginations esimweni sase-Afrika. Iveza kokukhanya bha ubunjalo bempilo yabantu base-Afrika, izinselelo ezihlukile zesimo, kanye nobuchule obungasetshenziswa ukuba kuncishiswe izinselelo.

Le ncwadi ihlelwe yaba yizigaba eziyisikhombisa ezihlanganisa izihloko ezifana nomongo kanye nemibono; uhlanga, ubuzwe, nezenkolo; ubulili, i-sexuality, ne-intersectionality; i-medical sociology: umnotho ngokwezepolitiki kanye nentuthuko; ubugebengu nobudlova; ezomndeni kanye nezemfundo.

Ibhuku la-online layo le ncwadi liyatholakala ku: https://academic.oup.com/edited-volume/44004?login=false.

Amagama: ngu-Melissa Mungroo

Izithombe: Zithunyelwe