Abafundi Nomelaphi Wendabuko Enkundleni Yokucobelelana Ngolwazi

BY: .

Click here for English version

Abafundi abenza izifundo zobuhlengikazi e-UKZN babe yingxenye yesigaba sokuhwebelana ngolwazi ebekukhona nomelaphi wendabuko owaziwayo kusona uMnu Maphelo Bongani Gumede waseMzimkhulu, KwaZulu-Natali ngezinto zengqondo ezithinta abantu baseNingizimu Afrika.

Lo mcimbi udingide imibono ye-Traditional Health Practitioners (ama-THP) ngesimo sengqondo. 'Besifuna ukuzwa kuMnu Gumede ukuthi abelaphi bendabuko bakubona kanjani ukugula ngengqondo, bazelaphe kanjani izimpawu zokugula ngengqondo,' kusho umfundisi wezeMpilo yeNgqondo uDkt Winnie Ngcongo-Cele.

UGumede welapha izifo ezahlukene, njengoba egxile esimweni sengqondo nesifo sohlangothi. Abafundi nabafundisi base-UKZN bezeMpilo yeNgqondo, uDkt Ngcongo-Cele, uDkt Ann Jarvis noDkt Mlungisi Ngcobo woMkhakha Wezemithi Yendabuko i-Discipline of Traditional Medicine bebekulesi sigcawu noGumede.

UNgcongo-Cele ukhulume ngezinto ezibanga ukugula ngengqondo, okungabathinta nezifo ezivamile, kwathi uNgcobo wakhuluma ngezinto aseke wazibona njengoba engusosayensi wase-Medical Laboratory.

U-Jarvis utuse uGumede ngomsebenzi awenzayo wokwelapha abantu ababhekene nezinselelo zempilo yengqondo, wagcizelela ukubaluleka kokutshela abafundi ngezinto ezinjalo ukubalungiselela ukuqala ukusebenza.

Abafundi bebemagange ukuxoxa noGumede nokukhuluma ngezinto asebeke bazibona.

Amagama: ngu-Nombuso Dlamini

Izithombe: Zithunyelwe