Uchwepheshe Weseka Ukunakekelwa Kwamehlo Ezikhungweni Zikahulumeni

BY: .

Click here for English version

ISikole SezoKwelapha sihloniphe uDkt Nombuso Mathe ngokuzibophezela kwakhe ukulwela iziguli nobuholi bakhe emkhakheni we-Ophthalmology. UMathe ubehamba phambili ekwenzeni ngcono indlela okuhlinzekwa ngayo izidingo ezibhedlela, nokwenza ucwaningo eMnyangweni.

‘Unentshisekelo yokulwela iziguli nokuhola emkhakheni we-ophthalmology nasezikhungweni zikahulumeni, ekubeni ucwaningo lwakhe lubheka umkhakha we-phathophysiology and surgical management in glaucoma. Ngenxa yokuzinikela kwakhe, indlela okuhlinzekwa ngayo izidingo esibhedlela, i-McCord seyithuthukile kanti kubalulekile kucwaningo lwethu,’ kusho UDkt Carl-Heinz Kruse, oyiNhloko ebambile kuMnyango we-Ophthalmology e-UKZN.

UMathe unguchwepheshe oyinhloko kanti uphinde abe yiSekela leNhloko kwi-Clinical Unit esibhedlela i-McCord, eThekwini. Uphothule iziqu zakhe eNelson R Mandela School of Medicine ngonyaka wezi-2004 wabe esejoyina iSouth African Military Health Services njengelungu layo eliqashwe ngokuphelele. Usebenze ngengodokotela ezinkanjini zamasosha eziKwaZulu-Natal kanti ubebuye aye koqapha ukuthula eBurundi. Ube esejoyina uphiko lwe-Ophthalmology esibhedlela e-Addington, wagogoda ukuqeqeshwa kwakhe njengochwepheshe we-ophthalmplogy ngowezi-2015. Eminyakeni aqale ngayo umsebenzi wakhe, ukhombise intshisekelo yokwenza ihigh volume cataract surgery ngaphansi kwe-Africa Vision, kanti usebenze njengochwepheshe ezibhedlela iNgwelezane, McCord naseGreys.

UMathe uqale indawo yakhe yokusebenza eGauteng okuyilapho abefundisela khona izitshudeni ezenza unyaka wokugcina ezenza i-Optometry e-University of Johannesburg. Ubebuye abe yingxenye yezinhlelo zokufundisa ezinganyelwe uphiko lwezempilo kuMasipala waseSedibeng, kanti ubebuye abe nguchwepheshe esibhedlela eSebokeng. Uphothule izinyanga eziyi-13 eqeqeshelwa i-adult and paediatric glaucoma ngaphansi kohlelo obelwenganyelwe isibhedlela samehlo iMoorfield eLondon, e-United Kingdom.

Amagama: ngu-Lihle Sosibo

Isithombe: Sithunyelwe